ក្រុមបាល់ទាត់ SCG Muangthong United របស់លីកកំពូលថៃ (TPL) ដែលទើបឈ្នះជើងឯករងនៅប្រទេសរបស់ខ្លួន នឹងមកប្រកួតនៅរាជធានីភ្នំពេញនៅខែ មករា ឆ្នាំ ២០១៦ ខាងមុខក្នុងជំនួបមិត្តភាពជាមួយក្រុមCambodia All Star។
យោងតាមប្រភពមកពីអ្នករៀបចំកម្មវិធីបានឲ្យដឹងថា តម្លៃសំបុត្រក្នុងការចូលទស្សនាការប្រកួតនេះត្រូវបែងចែកជា២ផ្សេងគ្នា ដោយទី១ តម្លៃត្រឹម១ ដុល្លារ សម្រាប់កៅអីទស្សនាដែលគ្មានដំបូងហើយមួយប្រភេទទៀតតម្លៃ២ដុល្លារត្រង់កន្លែងដែលមានដំបូលនិងកៅអីជ័រ។
សម្រាប់សមភាពកីឡាករមកពីក្រុម Cambodia All Star នឹងជ្រើសចេញពីកីឡាករដែលលេចធ្លោក្នុងពានរង្វាន់បាល់ទាត់មិត្តហ្វូនខេមបូឌានលីករដូវកាលឆ្នាំ២០១៥ (Metfone Cambodian League 2015) ទាំងកីឡាករខ្មែរ និង បរទេសមានដូចជា ស៊ូ យ៉ាទី, ហុងផេង, សុខសុវណ្ណ, រស់ សំអឿន, Esoh Omogba, Yuya Wada, ឃួន ឡាបូរ៉ាវី, Ajayi Gbenga Samuel, ចាន់ វឌ្ឍនាការបស់ក្រុមបឹងកេតអង្គរ កីឡាករ Odion Adthony Obadin, កែវ សុខផេង, Booy Shane, Bisan George, ធានី ចាន្ថាប៊ីនរបស់ ភ្នំពេញក្រោន, ស៊ុន សុវណ្ណរិទ្ធី, សំរឹទ្ធី សីហា, សុខ រិទ្ធី, Fukasawa Masahiro, គួចសុកុម្ភៈ របស់ណាហ្គាវើល, Tomohiro Masaki, ហែម ស៊ីម៉ៃ, សួង វីរៈ របស់ខេមបូឌានថាយហ្គឺរ,កីឡាករ សឿយ វិសាល, ហ៊ួយ ផល្លីន, សំអឿន ពិដោរ, ប្រាក់ មុន្នីឧត្តម របស់ស្វាយរៀងអែហ្វស៊ីកីឡាករ ទិត្យ ឌីណា, សាយ ពិសិដ្ឋ របស់អគ្គស្នងការដ្ឋាននគរបាលជាតិកីឡាករ ឈិន ឈឿន
របស់ក្រសួងការពារជាតិ និង រៀម សួង របស់គីរីវង់សុខសែនជ័យ។
គ្រូបង្គោល គឺលោកប្រាក់ សុវណ្ណារ៉ា ហើយលោកវេនតា សាបូណេជា គ្រូជំនួយ លោក ប្រាក់វណ្ណី ជាគ្រូអ្នកចាំទីលោក សុខ រដ្ឋា ជាគ្រូផ្នែកសម្ភារៈ កញ្ញា Ayumi Kajito ជាគ្រូពេទ្យប្រចាំក្រុមខណៈលោក ម៉ៃ តុលា អគ្គលេខាធិការរងសហព័ន្ធកីឡាបាល់ទាត់កម្ពុជាជាអ្នកចាត់ការទូទៅរបស់ក្រុម។
ក្រុម Cambodia All Starនឹងប្រកួតជាមួយក្លិបបាល់ទាត់ Muang Thong United FC នៅថ្ងៃទី ១៦ ខែមករា ឆ្នាំ២០១៦ ខណៈប្រកួតបន្ទាប់ត្រូវជួបក្រុមBuriram United ជាលក្ខណៈមិត្តភាពដូចគ្នានេះដែរនៅថ្ងៃទី២៣ ខែ មករា ឆ្នាំ ២០១៥។
ប្រកួតទាំង២នេះធ្វើឡើងនៅទីលានពហុកីឡដ្ឋានជាតិក្នុងរាជធានីភ្នំពេញ ក្នុងគោលបំណង២សំខាន់ៗគឺទី១ ប្រាក់ចំណេញដែលបានពីការលក់សំបុត្រនឹងផ្ដល់ជូនទៅមន្ទីរពេទ្យគន្ធបុប្ផាហើយទី២ គឺជាការរឹតចំណងមិត្តភាពការទូតលើកទី៦៥ឆ្នាំរវាងកម្ពុជានិងថៃ៕
តម្លៃសំបុត្រពេល Muangthong United របស់ថៃមកប្រកួតនៅភ្នំពេញតម្លៃចាប់ពី១ដល់២ដុល្លារ
0 Comments