ភ្នំពេញ ៖ ក្តិបចោរម្នាក់ ត្រូវបានប្រជាពលរដ្ឋនាំគ្នា ឃាត់ខ្លួន បន្ទាប់ពីជិះម៉ូតូមួយគ្រឿងធ្វើសកម្មភាពឆក់កាបូបមិនបានសម្រេច ហើយដួលម៉ូតូកាលពីវេលាម៉ោង ២និង៣០នាទីរសៀល ថ្ងៃទី០៥ ខែកញ្ញា ឆ្នាំ២០១៨ នៅចំណុច ផ្សារធំទួលសង្កែ ហៅផ្សារសាំហាន់ក្នុងភូមិបាក់ទូក សង្កាត់ទួលសង្កែ ១ ខណ្ឌឫស្សីកែវ។
ក្តិបចោរនោះ ឈ្មោះ សំ សេងវ៉ាន់ឌីភេទប្រុសអាយុ ១១ ឆ្នាំ មានលំនៅ ភូមិ បឹងសាឡាង សង្កាត់ឫស្សីកែវ ខណ្ឌឫស្សីកែវ។ ចំណែក ម្ចាស់កាបូបឈ្មោះ យ៉េនយាន់ អាយុ៤៣មុខរបរលក់ត្រីចំណែកប្រពន្ធឈ្មោះគីចាន្នី អាយុ៣៩ឆ្នាំ រស់នៅភូមិបឹងសាឡាង សង្កាត់ខណ្ឌឫស្សីកែវ។
ជនរងគ្រោះឲ្យដឹងថា ជនសង្ស័យ ម្នាក់ជិះម៉ូតូម៉ាកហុងដា ឌ្រីម សេ១២៥ ស៊េរី២០១៨ ពាក់ស្លាកលេខ ភ្នំពេញ-1HC5098 ហើយនៅមុនពេលកើតហេតុខ្លួនបានធ្វើដំណើរតាមផ្លូវបេតុង ក្នុងទិសដៅពីកើតទៅលិច។ នៅពេលធ្វើដំណើរ ជិតដល់ផ្សារសាំហាន់ស្រាប់តែជនសង្ស័យ ២នាក់ជិះម៉ូតូម៉ាកហុងដាខាងលើធ្វើដំណើរមកទន្ទឹម ធ្វើសកម្មភាពឆក់កាបូប តែម្តង។
ប្រភពបានបន្តទៀត នៅក្នុងសកម្មភាពឆក់ពុំបានសម្រេច នោះទេមានការប្រទាញប្រទង់គ្នា បណ្តាលឲ្យ ម៉ូតូជនសង្ស័យដួលហើយ ត្រូវបានប្រជាពលរដ្ឋ នាំគ្នាឃាត់ខ្លួនបានហើយស្វាគមន៍ម្នាក់មួយដៃមួយជើងផងដែរ ដែលនៅក្នុងកាបូបនោះមានប្រាក់៨០ម៉ឺនរៀលលុយដុល្លារ២០ដុល្លារ។
បច្ចុប្បន្នជនសង្ស័យ រួមទាំងម៉ូតូត្រូវបាននគរបាលនាំខ្លួន មកស្នាក់ការប៉ុស្តិ៍ នគរបាលទួលសង្កែ១ ដើម្បីសាកសួរនិងចាត់ការតាមច្បាប់៕
Source: Kampuchea Thmey Daily
0 Comments