អ្នកចាត់ចែងកម្មវិធីសិល្បៈបានឲ្យដឹងថា កញ្ញា សួស វីហ្សា នៅតែត្រូវការពេលវេលាទៀតដើម្បីសន្សំពិន្ទុក្នុងការប្រជែងជាមួយតារា រៀមច្បង។ នាងមានទេពកោសល្យល្អ តែពេជ្រ សោភា និងឱក សុគន្ធកញ្ញា សុទ្ធតែបានទៅដល់គោលដៅឡើងដល់ចំណុចកំពូលថែមទាំងបានចាក់គ្រឹះ យ៉ាងរឹងមាំទៅទៀត ទោះជាមានតារាចំណូលថ្មីមកផ្តួលមិនមែនជាការងាយស្រួលទេ ជាពិសេសស្របពេលដែលឱក សុគន្ធ កញ្ញា កំពុងតែខ្លាំងក្លា សូម្បីតារាចម្រៀងនាំមុខគេនៅផលិតកម្មថោន មាស សុខសោភា ក៏មិនអាចធ្វើឲ្យឱក សុគន្ធកញ្ញាធ្លាក់ចុះដែរ។
ដោយឡែកសួស វីហ្សា ក៏អាចរកចំណូលបានរាប់ម៉ឺនដុល្លារដែរក្នុង១រដូវក្តៅនេះ តាមរយៈការបង្ហាញមុខក្នុងការប្រគំតន្ត្រីធំៗជាច្រើនដែលរៀបចំដោយ ផលិតកម្មហង្សមាស។ ថ្មីៗនេះគេ ឃើញសួស វីហ្សា ទើបត្រឡប់មកពីច្រៀងសម្តែងជាមួយលោក អែនឌី នៅប្រទេសបារាំងដែរ ហើយគេឃើញសួស វីហ្សាឡើងគីឡូប្រមូលលុយបានដុំៗទៀតផង។ ពេលនេះនាងបានសម្រុកឡើងប៉ុស្តិ៍ជាបន្តបន្ទាប់ដើម្បីស្តារមុខមាត់ ឡើងវិញ។ បទចម្រៀងល្បីៗរបស់នាងចុងក្រោយមានបទសង្សារខ្ញុំក្លាយជាសង្សារគេ Be together និងបទយើងស្រឡាញ់គេមិនស្រឡាញ់ ហើយគេឃើញនាងកាន់តែមានក្បាច់រាំដ៏រស់រវើកទៀតផង។
ទាក់ទងការចេញទៅក្រៅប្រទេសនាងកំពុងត្រៀមខ្លួនចេញទៅរកលុយនៅ ប្រទេស២ទៀតនៅរដូវធ្លាក់ភ្លៀងនេះ តែវីហ្សាកំពុងរារែកចិត្ត ព្រោះប្រាក់ចំណូលការច្រៀងនៅក្រៅប្រទេសបានធ្លាក់ចុះដោយសារតារា សិល្បៈខ្មែរសម្រុកទៅច្រើន ហើយតារាខ្លះមិនយកប្រាក់ខែទៀត ព្រោះចង់បានតែលុយធីប ទើបធ្វើឲ្យប៉ះពាល់ដល់តារាអាជីពដទៃ។
តាមការឲ្យដឹងពីតារាសិល្បៈនៅបារាំងបានខ្សឹបប្រាប់ថាមានបុរស អាណិកជនមិនក្រោម៣នាក់ទេ ដែលលួចស្រឡាញ់សួស វីហ្សា និងសុំផ្សាភ្ជាប់និស្ស័យស្នេហ៍ផងដែរ តែនាងបែរជាសុំពេលពិចារណាសិន ព្រោះខ្លាចប៉ះពាល់ប្តីគេ។ ទោះយ៉ាងណាមានការលេចឮថា លោកមាស សាឡី នៅតែស្តាយចំណងស្នេហ៍នាង ព្រមទាំងសុំផ្សះផ្សាគ្នាវិញ តែសួស វីហ្សា បែរជាធ្វើព្រងើយនិងព្យាយាមគេចមុខពីគូសង្សារចាស់ ដោយសារតែពេលនេះនាងកំពុងមានជម្រើសច្រើនទាំងប្រុសនៅក្នុងស្រុកនិង ក្រៅស្រុកទៀតផង៕
0 Comments