ភ្នំពេញ ៖ ពិព័រណ៍ និងសន្និសីទអន្តរជាតិធំបំផុតស្តីពីកសិកម្ម ចិញ្ចឹមសត្វជលផល និងនេសាទនៅកម្ពុជា បានបើកសម្ពោធជាផ្លូវហើយ ចាប់ពីថ្ងៃទី៥ដល់ថ្ងៃទី៧ ខែកញ្ញា ឆ្នាំ២០១៨ នៅមជ្ឈមណ្ឌលសន្និបាតនិងតាំងពិព័រណ៍កោះពេជ្រដោយមានក្រុមហ៊ុនជាតិនិងអន្តរជាតិប្រមាណជាង៦០និងផលិតផលជាង១០០ម៉ាកចូលរួមបង្ហាញផលិតផលនៅក្នុងពិព័រណ៍ផងដែរ។
លោក លីម សុបញ្ញា តំណាងក្រុមហ៊ុនវីអេសប្រចាំនៅប្រទេសកម្ពុជាដែលជាអ្នករៀបចំការតាំងពិព័រណ៍បានមានប្រសាសន៍ថា ពិព័រណ៍នេះ មានក្រុមហ៊ុនជាតិអន្តរជាតិចូលរួមតាំងពិព័រណជាង60 និងម៉ាកជាង100ដែលបង្ហាញនូវផលិតផលរបស់ពួកគេអំពីវិស័យកសិកម្ម សត្វចញ្ចិម និង វារីវប្បកម្ម។
លោករំពឹងថា នឹងមានភ្ញៀវចូលរួមទស្សនាប្រមាណ៥០០០នាក់មកពីអាស៊ីអាគ្នេយ៍ និងជុំវិញពិភពលោកហើយនេះក៏ជាវេទិកាដ៏ល្អបំផុតដែលផ្តល់នូវការតាំងតាំងពិព័រណ៍អន្តរជាតិដ៏គួរអោយទុកចិត្តសម្រាប់តាំងពិព័រណ៍ក្នុងស្រុក និងអន្តរជាតិដើម្បីបង្ហាញម៉ាករបស់ពួកគេទៅកាន់ទីផ្សារកម្ពុជា ខណៈដែលពួកគេអាចស្វែងរកដៃគូអាជីវកម្ម ដែលមានសក្តានុពលអ្នកនាំចូល និងអ្នកចែកចាយក្នុងស្រុក និងក្រៅស្រុករួមជាមួយនឹងសកម្ម ភាពជាក់លាក់នានាផងដែរ។
ជាមួយគ្នានេះដែរលោកបានបន្តថា ពិព័រណ៍ពាណិជ្ជកម្មធំជាងគេបង្អស់នៅកម្ពុជានេះ ក៏នឹងបង្ហាញអំពីការលក់គ្រឿងម៉ាស៊ីនឧបករណ៍ និង ផលិតផលជាមួយនឹងបច្ចេកវិទ្យាថ្មីៗបំផុតក្នុងវិស័យកសិកម្មដូចជាគ្រាប់ពូជ គ្រាប់ធញ្ញជាតិបន្លែ រុក្ខជាតិ និងសារធាតុគីមីផលិតផលការពាររុក្ខជាតិព្រមទាំងការកែឆ្នៃសាច់សត្វ អន្តរជាតិដែលផ្តល់ឱកាសដ៏ល្អសម្រាប់សហគ្រិនដើម្បីពង្រីកទីផ្សារអាជីវកម្មរបស់ខ្លួនធ្វើអោយទាន់សម័យនូវកាច្នៃប្រឌិតចុងក្រោយបង្អស់ ផ្សារភ្ជាប់ជាមួយនិងអតិថិជនសក្តានុពល ប្រកបដោយប្រសិទ្ធភាព និងមានទស្សនៈអំពីទីផ្សារអាស៊ីអាគ្នេយ៍ រួមជាមួយនឹងសកម្មភាពជាក់លាក់នានា សិក្ខាសាលាដែលគួរអោយទាក់ទាញ និងផ្តល់ផលប្រយោជន៍ជាមួយប្រធានបទពិសេសដែលបង្ហាញពីអ្នកជំនាញនាំមុខក្នុងនិងក្រៅប្រទេស។
នៅក្នុងពិព័រណ៍នេះក៏មានការរៀបចំសិក្ខាសាលាជាតិលើកទី៣ សម្រាប់ការចិញ្ចឹមសត្វ និងជលផលកម្ពុជា គឺជាពិព័រណ៍ពាណិជ្ជកម្ម អន្តរជាតិតែមួយគត់សម្រាប់វារីវប្បកម្ម និងជលផលនៅក្នុងប្រទេសកម្ពុជានឹងត្រូវបានធ្វើឡើងជាមួយនឹងបច្ចេកវិទ្យា ជីវសាស្ត្រ និងសម្ភារៈផ្សេងៗដែលទាក់ទងទៅនឹងឧស្សាហកម្មសមុទ្រ និង គ្រឿងសមុទ្រ។
លោក គិត សេង អនុរដ្ឋលេខាធិការក្រសួងកសិកម្មរុក្ខាប្រមាញ់និងនេសាទបានមានប្រសាសន៍ថាព្រឹត្តិការណ៍នេះ មានសារៈសំខាន់ណាស់សម្រាប់វិស័យកសិកម្មដោយជួយជំរុញឲ្យផលិតផលកសិកម្មកើនឡើងតាមរយៈការទាក់ទាញអ្នកវិនិយោគទន់មកវិនិយោគក្នុងវិស័យនេះកាន់តែច្រើន។
ទន្ទឹមនឹងនេះលោកបានបន្តថា ពិព័រណ៍នេះក៏បានផ្តល់នូវចំណេះដឹងថ្មីៗបន្ថែមទៀតដល់កសិករពាណិជ្ជករនិងមន្ត្រីកសិកម្មតាមរយៈការដាក់តាំងនូវផលិតផលផ្នែកកសិកម្មទំនើបមានបច្ចេកវិទ្យាខ្ពស់នាំចូលមកពីបរ ទេសដើម្បីបង្កើននូវទិន្នផលនិងកសិផលរបស់កសិករយើង៕
Source: Kampuchea Thmey Daily
0 Comments