សូត្រ ប៊ុន​ធី រកបាន​៣​ពិន្ទុ​បន្ថែម ខណៈ​លី ភា​ចាញ់​ថៃ ក្នុង​ជម្រុះ​លើក​ទី​២ ដណ្តើម​ខ្សែក្រវាត់​ខា​រា​បាវ​ទម្ងន់​៦០​គីឡូក្រាម

សម្រាប់​ការប្រកួត​ជម្រុះ​លើក​ទី​២ នៃ​ព្រឹត្តិការណ៍​ប្រដាល់​ដណ្តើម​ខ្សែក្រវាត់​ខា​រ៉ា​បាវ​រដូវ​កាល​ទី​៧ ទម្ងន់​៦០​គីឡូក្រាម​នៅលើ​សង្វៀន​SEA-TV កាលពី​រសៀល​ថ្ងៃទី​២៩ ​កញ្ញា ​២០១៨​នោះ សូត្រ ប៊ុន​ធី អ្នក​ប្រដាល់​កម្ពុជា​ក្លិប​បក្សី​ស្លាប​ដែក គេ​បានទទួល​៣​ពិន្ទុ​ប​ន្ថៃ​ម ខ​ណៈ​ដែល​លី ភា អ្នក​ប្រដាល់​ក្លិប​សំរោង​កោង​ខេត្តបាត់ដំបង វាយ​ចាញ់​ថៃ បាន​១​ពិន្ទុ​នោះ។

សូត្រ ប៊ុន​ធី បាន​វាយ​ឈ្នះ​អ្នក​ប្រដាល់​ថៃ Phat Ngenthong ដោយ​ពិន្ទុ​ដាច់​តែម្តង ហើយ លី ភា ត្រូវ​អ្នក​ប្រដាល់​ថៃ Phat Maha វាយ​អោយ​បោះបង់ចោល​ការប្រកួត​ក្នុង​ទឹក​ទី​៣ ។

ដូច្នេះ សូត្រ ប៊ុន​ធី អ្នក​ប្រដាល់​កម្ពុជា​យើង ដែល​ថិ​ត​ក្នុង​ពូ​ល​A(​ពូ​ល​ខ្មែរ​) គេ​រកបាន​៦​ពិន្ទុ ក្នុង​ជម្រុះ​ពីរលើក​នេះ ហើយ​ចំពោះ​លី ភា គេ​បាន​៤​ពិន្ទុ ក្នុង​ពីរ​ប្រកួត​ដូចគ្នា ដោយសារ​គេ​វាយ​ឈ្នះ​១ ចាញ់​១​ប្រកួត ហើយ Phat Maha បាន​៤​ពិន្ទុ និង Phat Ngenthong បាន​២​ពិន្ទុ សម្រាប់​ការប្រកួត​ជម្រុះ​២​លើក​នេះ ។​

សូមបញ្ជាក់ថា ការប្រកួត​ជើងឯក​ខា​រ៉ា​បាវ​រដូវ​កាល​ទី​៧ ទម្ងន់​៦០​គីឡូក្រាម​លើក​នេះ មាន​អ្នក​ប្រដាល់​ខ្លាំងៗ​ចំនួន ៨ រូប ចូលរួម​ប្រកួត គឺ​ខ្មែរ​៤​នាក់ ថៃ​៤​នាក់ ។ អ្នក​ប្រដាល់​ខ្មែរ​ទាំង​៤​នាក់​នោះ រួមមាន​ឃីម បូរ៉ា ក្លិប​រស្មី​ភូមិ​គាប​ខេត្តបន្ទាយមានជ័យ , សុខ សា​វិ​ន ក្លិប​ឆ្មា​ស​សែន​សុខ​គុន​ខ្មែរ , លី ភា ក្លិប​សំរោង​កោង​ខេត្តបាត់ដំបង និង​សូត្រ ខេ​វិ​ន ក្លិប​បក្សី​ស្លាប​ដែក​។ ឯ អ្នក​ប្រដាល់​ថៃ ៤ នាក់​វិញ មាន Phat ChhayakPhum , Phat Maha , Phat Ngenthong និង Phat Thana ៕

អ៊ុំ វ​ណ្ណេ​ត ឈ្នះ មាស សុជាតិ ក្នុង​ជម្រុះ​ជុំ​ចុងក្រោយ​ដណ្តើម​ប្រាក់​លាន​ទម្ងន់​៦៥​គ​.​ក្រ​
​ព្រឹត្តិការណ៍​ប្រកួត​ប្រដាល់​ជម្រុះ​ដណ្តើម​ប្រាក់​១០​លាន​រៀល របស់​ក្រុមហ៊ុនស្រា​បៀរ​Ganz berg ក្នុង​ប្រភេទ​ទម្ងន់​៦៥​គីឡូក្រាម នៅលើ​សង្វៀន​ទូរទស្សន៍​អាស៊ីអាគ្នេយ៍ សម្រាប់​សប្តាហ៍​ទី​៩ យប់​ថ្ងៃទី​២៩​កញ្ញា​២០១៨ ដែលជា​ការប្រកួត​ជុំ​ចុងក្រោយ​នោះ មាស សុជាតិ អ្នក​ប្រដាល់​ក្លិប​ឃ្លាំងមឿង​កីឡា បាន​វាយ​ចាញ់ អ៊ុំ វ​ណ្ណេ​ត អ្នក​ប្រដាល់​ក្លិប​ការិយាល័យ​ទី​៥​កងទ័ពជើងគោក ដោយ​ពិន្ទុ​ធ្វើអោយ​អ៊ុំ វ​ណ្ណេ​ត ជាប់​លេខ​១​ក្នុង​ពូ​ល​B បាន​ឡើងទៅ​ប្រកួត​នៅ​វគ្គ​ផ្តាច់ព្រ័ត្រ ។​

សូមបញ្ជាក់ថា មុត ខ្លឹម​ខ្មៅ អ្នក​ប្រដាល់​ក្លិប​មកុដ​រាជសីហ៍ គេ​បាន​ជាប់​លេខ​១ ក្នុង​ពូ​ល​A​ដែល​កំពុង​រង់ចាំ​ទទួល អ៊ុំ វ​ណ្ណេ​ត ដែល​ត្រូវ​ជួប​ប្រកួត​ក្នុង​វគ្គ​ផ្តាច់ព្រ័ត្រ ដណ្តើម​ប្រាក់​១០​លាន​រៀល របស់​ក្រុមហ៊ុនស្រា​បៀរ​Ganzberg ក្នុង​ប្រភេទ​ទម្ងន់​៦៥​គីឡូក្រាម​។​
​គង់ សំបូរ ឈ្នះ​បារាំង Najib ឯម ឡេង​លី ឈ្នះ​ថៃ Super Chhai

គង់ សំបូរ អ្នក​ប្រដាល់​ក្លិប​អាណាចក្រ​ប្រយុទ្ធ​ខេត្តសៀមរាប បាន​ផ្តួល​យកឈ្នះ​អ្នក​ប្រដាល់​បារាំង Najib D’jeloudi ក្នុង​ទឹក​ទី​២ ក្នុង​ការជួប​ប្រកួត​គ្នា នា​យប់​ថ្ងៃ​សៅ​រិ៍​ទី​២៩​កញ្ញា​២០១៨ នៅលើ​សង្វៀន​Ganzberg Top Fighter របស់​SEA-TV ។​

អ្នក​ប្រដាល់​បារាំង Najib D’jeloudi ត្រូវ​គង់ សំបូរ ទាត់​អោយ​ខូច​ជើង​ក្រោម ហើយ​បោះបង់​ការប្រកួត​ក្នុង​ទឹក​ទី​២​នោះ ។

ចំពោះ អ្នក​ប្រដាល់​ជើង​ខ្លាំង ឯម ឡេង​លី ក្លិប​ថ្មគោល​ពោធិ​សែន​ជ័យ បាន​ប្រកួត​ឈ្នះ​អ្នក​ប្រដាល់​ថៃ Super Chhai ដោយ​ពិន្ទុ បន្ទាប់ពី​វាយ​គ្នា​៥​ទឹក​ពេញ​នោះ ។ ពួកគេ​ទាំងពីរ ប្រកួត​គ្នា​ក្នុង​ទម្ងន់​៧១​គីឡូក្រាម​៕


​

Source: Kampuchea Thmey Daily