ភ្នំពេញ ៖ មន្ទីរសាធារណការ និងដឹកជញ្ជូនខេត្តព្រះវិហារនៅថ្ងៃទី១៥ ខែវិច្ឆិកា ឆ្នាំ២០១៨នេះបានកំពុងជួសជុល ថែទាំផ្លូវជាតិលេខ ៩២ ចាប់ពីព្រំប្រទល់ ព្រះវិហារ-ស្ទឹងត្រែង ស្ថិតក្នុង ស្រុកឆែប ដែលមានប្រវែងជាង ៨៧គីឡូម៉ែត្រ ដើម្បីសម្រួលការធ្វើចរាចរណ៍ ក្នុងការធ្វើដំណើររបស់បងប្អូនប្រជាពលរដ្ឋ។
លោកសំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានឲ្យដឹងថា ថ្ងៃទី១៥ ខែវិច្ឆិកា ឆ្នាំ២០១៨នេះ ក្រុមការងារថែទាំប្រចាំនៃមន្ទីរសាធារណការ និងដឹកជញ្ជូនខេត្តព្រះវិហារ បាននឹងកំពុងធ្វើសកម្មភាពការងារថែទាំប្រចាំ ផ្លូវជាតិលេខ ៩២ ពីព្រំប្រទល់ ព្រះវិហារ-ស្ទឹងត្រែង ស្ថិតក្នុងឃុំកំពង់ស្រឡៅ ស្រុកឆែប ដល់បន្ទាយស្រមោច ស្រុកជាំក្សាន្ត ខេត្តព្រះវិហារ ដែលមាន ប្រវែងសរុប ៨៧,៨ គីឡូម៉ែត្រ ហើយការងារនេះអនុវត្តដោយ មន្ទីរសាធារណការ និងដឹកជញ្ជូនខេត្តព្រះវិហារ៕
Source: Kampuchea Thmey Daily
0 Comments