ឧត្តរមានជ័យ ៖ មានករណីគ្រោះថ្នាក់ចរាចរណ៍មួយកើតឡើង បណ្ដាលឲ្យមនុស្សស្រីម្នាក់ស្លាប់នៅ នឹងកន្លែង និង២នាក់ទៀតរបួសធ្ងន់ បង្កឡើងដោយរថយន្តម៉ាកហាយឡែនឌ័រ បុកនឹងម៉ូតូ២គ្រឿង
ក្នុងទិសដៅស្របគ្នា ពីជើងទៅត្បូង នៅផ្លូវជាតិលេខ៦៧B។
ករណីគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២១និង៤០នាទីយប់ ថ្ងៃទី២៥ ខែវិច្ឆិកា ឆ្នាំ២០១៨ ស្ថិតនៅក្នុងភូមិឃ្លាំងកណ្ដាល ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។
សមត្ថកិច្ចចរាចរណ៍ស្រុកអន្លង់វែងបានឲ្យដឹងថា ៖
១-អ្នកបើកបររថយន្តឈ្មោះ ចែម ផាន្នី ភេទប្រុស អាយុ៤៦ឆ្នាំ រស់ភូមិជាំ ឃុំត្រពាំប្រីយ៍ ស្រុកអន្លង់វែង ខេត្ឧត្តរមានជ័យ បើកបររថយន្តម៉ាកហាយឡែនឌ័រ ស៊េរី ២០០១ ពណ៌ទឹកប្រាក់ ពាក់ស្លាកលេខ ភ្នំពេញ 2AA -8593 (ពុំមានរងរបួស)។
២-អ្នកបើកម៉ូតូឈ្មោះ ជុំ ជិត ភេទប្រុស អាយុ១៩ឆ្នាំ នៅភូមិឯកភាព ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ (របួសធ្ងន់) ធ្វើការកាស៊ីណូ
៣-អ្នករួមដំណើរឈ្មោះ ស៊ា សៀង ភេទស្រី អាយុ១៧ឆ្នាំ រស់នៅភូមិស្រឡៅស្រោង ឃុំលំទង ស្រុកអន្លង់វែង ខេត្តឧត្តរមានជ័យ(ស្លាប់)។
៤-អ្នកបើកបរម៉ូតូ ឈ្មោះ ទីន សូម៉ា ភេទស្រី អាយុ១៧ឆ្នាំ រស់នៅ ភូមិសាមគ្គី ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ( របួសធ្ងន់)។
សមត្ថកិច្ចបានឲ្យដឹងទៀតថា ស្ថានភាពផ្លូវត្រង់ម៉ូតូខូចធ្ងន់២គ្រឿង រថយន្តខូចធ្ងន់១គ្រឿង មូលហេតុដោយសាររថយន្តប្រើប្រាស់ល្បឿនលឿន។
បច្ចុប្បន្ន វត្ថុតាង ត្រូវបានយកមករក្សាទុកនៅអធិការដ្ឋាននគរបាលស្រុកអន្លង់វែង ដើម្បីបន្តនីតិវិធីទៅតាមផ្លូវច្បាប់៕
Source: Kampuchea Thmey Daily
0 Comments