ភ្នំពេញ ៖ បុរសចំណាស់ម្នាក់ ខណៈដែលខ្លួនមានជំងឺប្រចាំកាយទៅទិញថ្នាំមកលេប ក៏ប៉ុន្តែដោយសារសុខភាពមានបញ្ហាកម្លាំងចុះខ្សោយផង បែរជាប្រតិកម្មថ្នាំបណ្ដាលឲ្យគាំងបេះដូងស្លាប់គ្មានអ្នកណាជួយទាន់ឡើយ តែដោយមិនអស់ចិត្ត ទើបក្រុមគ្រួសារហៅក្រុមសង្គ្រោះ ទៅពិនិត្យជាក់ស្តែងអ្វីបានហួសពេលអស់ទៅហើយ បង្កឲ្យភ្ញាក់ផ្អើលកាលពីវេលាម៉ោង៣រសៀលថ្ងៃទី១៥ ខែវិច្ឆិកា ឆ្នាំ២០១៨ ស្ថិតនៅបុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យ។
ជនរងគ្រោះ មានឈ្មោះ ព្រំ ឋាន ហៅ សួគ៌ ឋាន ភេទប្រុស អាយុ៥០ឆ្នាំ មានជំងឺប្រចាំកាយស្រាប់ «លើសឈាម» មានទីលំនៅផ្ទះកើតហេតុ មានស្រុកកំណើត ភូមិព្រៃភ្នៀត ឃុំសំឡី ស្រុកកំពង់រោទ៍ ខេត្តស្វាយរៀង។
តាមក្រុមគ្រួសារបានឲ្យដឹងថា ជនរងគ្រោះ ជាបុរសពោះម៉ាយ មានជំងឺប្រចាំកាយ លើសឈាម មើលពុំជាច្រើនខែឆ្នាំមកហើយ ប្រើប្រាស់ថ្នាំជាប្រចាំ ស្រាប់តែនៅវេលាម៉ោង២រសៀលថ្ងៃទី១៥ ខែវិច្ឆិកានេះ អាការៈជំងឺរើធ្វើទុក្ខឡើងជនរងគ្រោះបានទិញផ្សំថ្នាំមកហូប លុះមួយម៉ោងក្រោយ បែរជាប្រតិកម្មថ្នាំ រឹងដៃជើង ក្រុមគ្រួសារ ជួយមិនទាន់ គាំងបេះដូងស្លាប់បាត់ ដោយមិនអស់ចិត្ត ពលរដ្ឋក្បែរខាងនិងក្រុមគ្រួសារបានហៅក្រុមសង្គ្រោះឲ្យជួយទៅពិនិត្យបន្ថែមជាក់ស្តែង តែជនរងគ្រោះបានស្លាប់បាត់ទៅហើយ។
ក្រោយពីជនរងគ្រោះស្លាប់ដោយសារប្រតិកម្មថ្នាំបែបនេះ សាច់ញាតិរាយការណ៍ប្រាប់ អាជ្ញាធរសមត្ថកិច្ចចុះទៅពិនិត្យ និង សុំឲ្យជួយសម្រួលបញ្ជាក់លិខិតមរណភាពដើម្បីធ្វើបុណ្យទៅតាមប្រពៃណី៕
Source: Kampuchea Thmey Daily
0 Comments