ទូរទស្សន៍​សាម​សុង QLED 8K ទទួលបាន​ការ​សរសើរ ពី​សារព័ត៌មាន​ល្បីៗ​លើ​ពិភពលោក​

បណ្តាញ​សារព័ត៌មាន​បច្ចេកវិទ្យា​ល្បីៗ​ទូទាំង​ពិភពលោក កំពុងតែ​ចុះផ្សាយ និង​កោតសរសើរ​ពី​ទូរទស្សន៍​សាម​សុង​ស៊េរី​ថ្មី QLED 8K, Q900R ដែល​វា​មាន​សមត្ថភាព ធ្វើ​ឲ្យ​រូបភាព​កាន់តែច្បាស់ និង​បែប​ធម្មជាតិ​ពិតៗ សម្រាប់​ការ​រចនា​វិញ​បែប Digital គឺ​ស្អាត​គ្មាន​ទាស់ ថែមទាំង​មាន​បំពាក់​នូវ​បច្ចេកវិទ្យា 8K AI Upscaling ផងដែរ។​
​
នៅក្នុង​ព្រឹត្តិការណ៍ IFA 2018, ទូរទស្សន៍​សាម​សុង Q900R QLED 8K ទទួល​បានការ​គ្រាំទ្រ​យ៉ាងច្រើន និង​ពេញនិយម​ពី​សំណាក់​អ្នកជំនាញ ខាង​ឧស្សាហកម្ម និង​អ្នក​នៅក្នុង​ឧស្សាហកម្ម ជាមួយនឹង​ដំណោះស្រាយ​យ៉ាងពិត​ប្រាកដ របស់​ទូរទស្សន៍​សាម​សុង QLED 8K ដែល​បាន​បំពាក់​ដោយ​បច្ចេកវិទ្យា ដ៏​ទំនើប 8K AI upscaling របស់​ក្រុមហ៊ុន​សាម​សុង​។ ក្រុមហ៊ុន​ក៏​កំពុងតែ​ជំរុញ​ផ្នែក​បច្ចេកវិទ្យា ទូរទស្សន៍​ឲ្យ​មាន​ភាពជឿនលឿន និង​សមស្រប​សម្រាប់​អតិថិជន​ជុំវិញ​ពិភពលោក​។

ភាពជឿ​ទុកចិត្ត​លើ​បច្ចេកវិទ្យា​មួយ​នេះ ត្រូវបាន​ចុះផ្សាយ​ដោយសារ​ព័ត៌មាន បច្ចេកវិទ្យា​ល្បីល្បាញ និង​ត្រួតពិនិត្យ​ដោយ​ប្រព័ន្ធ​ផ្សព្វផ្សាយ របស់​ចក្រភព​អង់គ្លេស​។ Q900R ត្រូវបាន​គេ​ដាក់ពិន្ទុ​យ៉ាង​ល្អឥតខ្ចោះ​គឺ 5/5 ដែល​បញ្ជាក់ថា "​វា​គឺ​ការចាប់ផ្តើម​មួយ​នៃ​ទូរទស្សន៍ 8K មុនដំបូង​គេ​បង្អស់​"​។ ទី​ពីរ វា​គឺជា​ទូរទស្សន៍ ដែលមាន​រូបភាព​ច្បាស់​ជាងគេ ដែល​មិន​ធ្លាប់មាន​ពីមុនមក។ នៅពេលដែល​បច្ចេកវិទ្យា​ទាំងពីរ​នេះ ត្រូវបាន​ដាក់បញ្ចូល​គ្នា ធ្វើ​ឲ្យ​អ្នកទទួលបាន​នូវ​គុណភាព​រូបភាព ភ្លឺ​ច្បាស់​តាមបែប​ធម្មជាតិ និង​មាន​មាន​អារម្មណ៍​ថា កំពុង​នៅ​ទីកន្លែង​នោះ​ពិតៗ។

ម្យ៉ាងវិញទៀត គេហទំព័រ Pocket-Lint, ដែលជា​គេហទំព័រ​ព័ត៌មាន​បច្ចេកវិទ្យា របស់​ចក្រភព​អង់គ្លេស​បាន​សរសើរ ចំពោះ​ប្រព័ន្ធ​ដំណើរការ​របស់​ទូរទស្សន៍​សាម​សុង QLED 8K នេះ​ផងដែរ ដោយ​ទទួលស្គាល់ថា វា​មាន​សមត្ថភាព​ខ្ពស់ ក្នុងការ​ដំណើរការ​លើ​ការផ្តល់រ​ទិន្នន័យ​ដ៏​ធំ​សម្បូរបែប ជាហេតុ​ធ្វើ​ឲ្យ​កម្រិត​ច្បាស់ របស់​ទូរទស្សន៍​កាន់តែ​ល្អឥតខ្ចោះ​។ ទូរទស្សន៍ QLED 8K បានផ្តល់​នូវ​បទពិសោធ​ន៏ HDR (High Dynamic Range) ដ៏​ល្អ​បំផុត​ដែល​លោកអ្នក​មិន​ធ្លាប់​បានឃើញ នៅក្នុង​ទូរទស្សន៍​ណាមួយ​នៅឡើយ រហូតមកដល់​សព្វថ្ងៃ​នេះ​។​

បន្ថែម​លើ​នេះ​ទៀត គេហ​ទំព័រ​ HD Guru ដែល​ជា​គេហទំព័រ ត្រួតពិនិត្យ​បច្ចេកវិទ្យា​របស់​សហរដ្ឋអាមេរិក​ក៏បានផ្តល់​ពិន្ទុ​ 5/5 ទៅលើ​ស្តង់ដារ​កម្រិត Full HD ដែល​មាន​ភាព​ភ្លឺ​ច្បាស់ និង​រស់​រវើក ជា​អ្វីដែល​ពួកគេ​ចង់បាន​។ ទូរទស្សន៍​សាម​សុង QLED 8K បានផ្តល់​នូវ​រូបភាព​ដ៏​ភ្លឺ​ច្បាស់​បំផុត ជាមួយ​បទពិសោធន៍​កម្រិត​ពណ៌​ខ្មៅ​ដិត និង​ពណ៌​ដ៏​សម្បូរបែប ដែល​ធ្វើ​ឲ្យ​អ្នក​អាច​មើលឃើញ​យ៉ាងច្បាស់ ។
​
ទស្សនាវដ្ដី Forbes ក៏បាន​សម្តែង​ការចាប់​អារម្មណ៍​ផងដែរ​ថា "​ទោះបីជា​ទូរទស្សន៍​ប្រភេទ 8K នៅមាន​កម្រិត​ក៏ដោយ ប៉ុន្តែ pixels នៅតែ​រក្សា​ភាពច្បាស់​របស់​វា​បានល្អ​ណាស់ ពិតជា​គួរអោយភ្ញាក់ផ្អើល​ជាខ្លាំង​ចំពោះ​គុណភាព​រូបភាព​"​។ សារព័ត៌មាន​បច្ចេកវិទ្យា ដ៏​ល្បីល្បាញ​មួយ​ផ្សេងទៀត ដែលមាន​ឈ្មោះថា Digital Trends ក៏បាន​និយាយ​ដែរ​ថា នាពេល​បច្ចុប្បន្ននេះ មិនមាន​ទូរទស្សន៍ 85 inch ណា​ដែល​ល្អ​ជាងនេះទៀត​ទេ​នៅលើ​ភពផែនដី​។ ម្យ៉ាងទៀត នៅ​វេទិកា AVS ដែលជា​វេទិកា​ធំជាងគេ​ខាង​ត្រួតពិនិត្យ​សំឡេង និង​វីដេអូ បានផ្តល់​ពានរង្វាន់​ដល់ Q900R ហើយ​បាន​និយាយថា "​ប្រសិនបើ​អ្នក​អាចមាន​លទ្ធភាព ដាក់​វា​នៅ​ក្នុងផ្ទះ វា​ជាការ​បង្ហាញ​ដ៏​អស្ចារ្យ​មួយ ពីព្រោះ​ជា Top Choice របស់​វេ​ប​សាយ AVS សម្រាប់​ឆ្នាំ 2018”​។​
​
សម្រាប់​ទូរទស្សន៍​សាម​សុង QLED 8K នេះ​ផងដែរ នឹងមាន​វត្តមាន​នៅលើ​ទីផ្សារ​កម្ពុជា ក្នុងពេល​ឆាប់ៗ​នេះ​៕



Source: Kampuchea Thmey Daily