កំពង់ធំ ៖ រថយន្តធុនយក្សបុកបន្តកន្ទុយគ្នា បង្កភាពភ័យខ្លាចដល់អ្នករួមដំណើរលើដងផ្លូវ សាធារណៈ ដោយសារតៃកុងរថយន្តបើកបរ មានការធ្វេសប្រហែស និងប្រមាថ ធ្វើឲ្យរថយន្តធុនធំ បុកក្រឡាប់ផ្ងារជើង កាលពីវេលាម៉ោង០១និង០៥នាទីរំលងអធ្រាត្រ ឈានចូលថ្ងៃទី៣០ ខែវិច្ឆិកា ឆ្នាំ២០១៨ លើកំណាត់ផ្លូវជាតិលេខ០៦ ត្រង់ចំណុចនៅភូមិកំពង់វាំង ឃុំប្រឡាយ ស្រុកស្ទោង ខេត្តកំពង់ធំ។
ករណីគ្រោះថ្នាក់ចរាចរណ៍ រថយន្តបុករថយន្តក្រឡាប់ផ្ងារជើង បណ្តាលឲ្យបុរសម្នាក់របួសធ្ងន់ បង្កឡើង ដោយរថយន្តម៉ាកហ៊ីយ៉ានដាយសណ្ដោងរ៉ឺម៉ក ពណ៌ខៀវ ស្លាកលេខមើលមិនស្គាល់(ខូចដោយគ្រោះថ្នាក់ចរាចរណ៍) ឯចំណែករ៉ឺម៉ក ស្លាកលេខកំពង់ចាម4A.0344 ដឹកទឹកផ្លែឈើ អូអិឈិ បើកបរទិសដៅពីជើងទៅត្បូង ហើយក្រឡាប់លើទ្រូងផ្លូវ។
តាមការបញ្ជាក់ពី លោក យ៉ង សំ អធិការស្រុកស្ទោងបានឲ្យដឹងថា អ្នកបើកបរមិនស្គាល់អត្តសញ្ញាណ ដោយសារក្រោយពេលកើតហេតុ បានរត់គេចខ្លួន បើតាមការសន្និដ្ឋានរបស់សមត្ថកិច្ច មូលហេតុគ្រោះថ្នាក់ ចរាចរណ៍ គឺបណ្តាលមកពីអ្នកបើកបរ ងងុយដេក១ភាំង ទើបបណ្ដាលឲ្យក្រឡាប់ផ្ងារជើងតែម្ដង។
ចំណែករថយន្តម្ខាងទៀត រថយន្តម៉ាកហ៊ីយិនដាយ(ផ្លូវ៥) ពណ៌ស ស្លាកលេខភ្នំពេញ3B.7089 (បើកបរទិសដៅពីត្បូងទៅជើង ដោយឈ្មោះ បឿត ភេទប្រុស នៅខេត្តព្រៃវែង(របួសធ្ងន់) ក្រោយកើតហេតុ សមត្ថកិច្ចចុះវាស់វែងប្រមូលវត្ថុតាងរក្សាទុកនៅអធិការដ្ឋាននគរបាលស្រុកស្ទោងរង់ចាំដោះស្រាយគ្នាតាមច្បាប់៕
Source: Kampuchea Thmey Daily
0 Comments