កំពង់ចាម ៖ ច្រាំងទន្លេមេគង្គ ស្ថិតនៅត្រើយខាងលិចម្តុំខាងជើងស្ពានគីហ្សូណាជាង២០០ម៉ែត្រ ក្នុងភូមិទី១១ សង្កាត់កំពង់ចាម ក្រុងកំពង់ចាម ខេត្តកំពង់ចាម បាននិងកំពុងបាក់ស្រុត បន្តទៀតគួរអោយព្រួយបារម្ភ។
ច្រាំងទន្លេចំណុចខាងលើនេះ បានបាក់ស្រុតម្តងបន្តិចៗ ជាដំបូង វាមានលក្ខណៈប្រេះតិចតួច យូរទៅក៏បែកជាធំ រួចក៏ស្រុតពីមួយថ្ងៃទៅមួយថ្ងៃ ហើយកាន់តែធំ និងជ្រៅទៅ រហូតធ្វើអោយរូបសំណាងថ្មនានា ពិសេសគឺរូបសំណាងដំរី បានបាក់ស្រុតផ្អៀង បម្រុងនឹងធ្លាក់ចូលទឹកទន្លេ ហើយតាមបណ្តោយផ្លូវចំណុចបាក់ច្រាំង មានកន្លែងខ្លះស្រុតចុះជម្រៅប្រមាណជិត ៣ម៉ែត្រ ធ្វើឲ្យអ្នកដំណើរកម្សាន្ត ឬអ្នកដើរហាត់ប្រាណ មិនហ៊ាដើរជិតច្រាំងបាក់នេះទេគឺត្រូវដើរឆ្ងាយពីទីនោះ។
ថ្មីៗនេះគេឃើញ លោក គួច ចំរើន អភិបាលខេត្តកំពង់ចាម បានដឹងនាំមន្ត្រីជំនាញ ជាច្រើនរូប ចុះពិនិត្យសិក្សាវាយតម្លៃ និងរកវិធីជួសជុលកសាងឡើងវិញ៕
Source: Kampuchea Thmey Daily
0 Comments