កំពង់ចាម ៖ មានភាពភ្ញាក់ផ្អើលមួយ កាលពីថ្ងៃទី១៣ ខែធ្នូ ឆ្នាំ២០១៨ វេលាម៉ោង១១និង៣០នាទីក្នុងភូមិទី៨ សង្កាត់កំពង់ចាម ក្រុងកំពង់ចាម ខេត្តកំពង់ចាម ដោយសារស្រីក្រមុំម្នាក់ បានធ្វើអត្តឃាតនៅលើផ្ទះរបស់ខ្លួន។
ប៉ូលិសបានឲ្យដឹងថា ជនរងគ្រោះ ឈ្មោះ វ៉ាន់ សុធីតា ភេទស្រី អាយុ២៦ឆ្នាំ មានទីលំនៅ ភូមិ/ឃុំកើតហេតុ។
ឪពុកជនរងគ្រោះថា ករណីធ្វើអត្តឃាត(ចង.ក) សម្លាប់ខ្លួននៅចំណុចភូមិទី៨ សង្កាត់កំពង់ចាម ក្រុងកំពង់ចាម ខេត្តកំពង់ចាម ដោយសារជនរងគ្រោះមានជំងឺប្រចាំកាយយូរឆ្នាំមកហើយ និងបានយកទៅព្យាបាលនៅមន្ទីរពេទ្យ នៃប្រទេសថៃ តែជំងឺនេះមិនជា ទើបជនរងគ្រោះ សម្រេចចិត្តចង.ក ធ្វើអត្តឃាត នៅលើផ្ទះរបស់ខ្លួនតែម្តង។
ប៉ូលិសបានឲ្យដឹងថា បន្ទាប់ពីទទួលបានព័ត៌មានភ្លាម កម្លាំងសមត្ថកិច្ច ជំនាញក្រុងកំពង់ចាមសហការជាមួយកម្លាំងសមត្ថកិច្ចនគរបាលប៉ុស្តិ៍រដ្ឋបាលចុះដល់កន្លែងកើតហេតុ ដើម្បីស្រាវជ្រាវ និងបានបង្កើតគណៈកម្មការត្រួតពិនិត្យសព រួមមាន ៖ មេភូមិ-ចៅសង្កាត់ កម្លាំងប៉ុស្តិ៍ និងជំនាញក្រុង ជំនាញបច្ចេកទេសខេត្ត និងគ្រូពេទ្យ។
គណៈកម្មាធិការធ្វើការពិនិត្យស្រាវជ្រាវលើសាកសពឃើញថា ជនរងគ្រោះ ពិតជាស្លាប់ដោយសារចង.ក ដោយខ្លួនឯង មូលហេតុមានជំងឺប្រចាំកាយមែន។
ក្រោយពីបានពិនិត្យសាកសពរួចហើយ គណៈកម្មការត្រួតពិនិត្យសពរួច បានប្រគល់សាកសពជនរងគ្រោះឲ្យទៅក្រុមគ្រួសារ នៃសពធ្វើបុណ្យតាមប្រពៃណី៕
Source: Kampuchea Thmey Daily
0 Comments