កងរាជអាវុធហត្ថ​រាជធានី​ ប្រកាស​ស្វែងរក​ម្ចាស់​ម៉ូតូ​២​គ្រឿង

ភ្នំពេញ ៖ អាវុធហត្ថ​រាជធានី​ភ្នំពេញ​បាន​ប្រកាស​រក​ម្ចាស់​ម៉ូតូ​២​គ្រឿង​ក្រោយពី កម្លាំង​អាវុធហត្ថ​មូលដ្ឋាន​ខណ្ឌមានជ័យ បានទទួល​ម៉ូតូ ០២​គ្រឿង នៅ​ចំណុច​ផ្សារ​សឡា ភូមិ​មានជ័យ សង្កាត់ ស្ទឹងមានជ័យ​១ ខណ្ឌមានជ័យ រួចមក​។

មន្ត្រី​អាវុធហត្ថ​ដាក់​ការ​សង្ស័យថា ​ម៉ូតូ​នោះ​ពាក់ព័ន្ធ​ករណី​ចោរកម្ម យក​មក​ផ្ញើ​ប្លុង​ទុកចោល​នៅវេលា​ម៉ោង​៧​ព្រឹក​ថ្ងៃទី​១១ ខែធ្នូ ឆ្នាំ​២០១៨​កន្លងទៅ ហើ​យ​រហូតមកដល់​ថ្ងៃទី​១៨​មករា​ឆ្នាំ​២០១៩​នេះ មិនទាន់​ឃើញ​ម្ចាស់​ម៉ូតូ​មករក​នៅ​ឡើយ​។



មន្ត្រី​អាវុធហត្ថ​បាន​ឲ្យ​ដឹង​ថា ម៉ូតូ​ទី​១- ម៉ាក​ហុងដា​ឌ្រី​ម​សេ​១២៥ ពណ៌​ខ្មៅ ស្លាក​លេខ កំពង់ចាម 1Q-6533 លេខ​ម៉ាស៊ីន ND125 ME- 9788605 និង​ម៉ូតូ​ទី​២- ម៉ាក SIRIUS ពណ៌​ក្រហម លាយ​ខ្មៅ ស្លាក​លេខ ពោធិ៍សាត់ 1G-9765 លេខ​ម៉ាស៊ីន E3X 9E278152 ។

បច្ចុប្បន្ន​ម៉ូតូ​ទាំងពីរ​គ្រឿង កំពុង​រក្សាទុក​នៅ​មូលដ្ឋាន​កងរាជអាវុធហត្ថ​ខណ្ឌមានជ័យ ដើម្បី​ម្ចាស់​មក​ទទួលយក​ភ្ជាប់​ជាមួយនឹង​ឯកសារ​ត្រឹមត្រូវ​មក​ផង​។ អាស្រ័យ​ហេតុដូច​នេះ បើ​ម្ចាស់​ម៉ូតូ​ឬ​បងប្អូន​ណា បាន​ស្គាល់​ម៉ូតូ​ដូច​ភិនភាគ​ខាងលើ សូម​មក​ទំនាក់ទំនង នៅ​មូលដ្ឋាន​អាវុធហត្ថ​ខណ្ឌមានជ័យ ដើម្បី​ទទួលយក​ម៉ូតូ​ត្រឡប់​ទៅវិញ​តាម​ការគួរ​៕

Source: Kampuchea Thmey Daily