ភ្នំពេញ ៖ បុរសជនជាតិអ៊ីតាលីម្នាក់ ត្រូវបានគេប្រទះឃើញដេកស្លាប់ក្នុងបន្ទប់បង្កជាការភ្ញាក់ផ្អើលដល់ប្រជាពលរដ្ឋ និងសមត្ថកិច្ច នៅថ្ងៃទីចន្ទ ៨រោច ខែសប្ប ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៨ ខែមករា ឆ្នាំ២០១៩ វេលាម៉ោង៨និង៣០នាទី នៅចំណុចបន្ទប់លេខ៥០៩B ផ្ទះលេខ ១និង២ផ្លូវ១៥៤ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។
សមត្ថកិច្ចមូលដ្ឋាន បានឲ្យដឹងថា សពមានឈ្មោះ PIETRO ZENTI ជនជាតិអ៊ីតាលី ភេទប្រុស អាយុ៦៨ឆ្នាំ មុខរបរទេសចរណ៍ កាន់លិខិតឆ្លងដែនលេខ YA 5031746។
ក្រោយពីទទួលបានព័ត៌មាននេះរួចមក កម្លាំងជំនាញខណ្ឌ នឹងប៉ុស្តិ៍បានចុះដល់ និងគ្រប់គ្រងកន្លែងកើតហេតុ ហើយរាយការណ៍ជូនព្រះរាជអាជ្ញា នឹងការិយាល័យបច្ចេកទេសវិឡាសាស្ត្រ នឹងការិយាល័យព្រហ្មទណ្ឌកម្រិតធ្ងន់ ការិយាល័យអន្តោប្រវេសន៍ ដើម្បីបង្កើតគណៈកម្មាធិការធ្វើកោសល្យវិច័យ ពិនិត្យសព។
សមត្ថកិច្ចបន្តថា ជាលទ្ធផល តាមការពិនិត្យការិយាល័យជំនាញបច្ចេកទេស បានបញ្ជាក់ថា សពជនរងគ្រោះស្លាប់ដោយគាំងបេះដូង ចំណែកសម្ភារៈនៅជាប់ខ្លួនមានដូចជា ទី១-ប៉ាស្ព័រមួយក្បាល, ទី២-លុយអឺរ៉ូ ចំនួន៦០០, ទី៣-លុយដុល្លារ ចំនួន១៣២ដុល្លារ, ទី៤-កាតចំនួន៤, ទី៥-ទូរស័ព្ទដៃ ម៉ាកសាំមស៊ុងS4 ពណ៌ស ១គ្រឿង, ទី៦-នាទ្បិកាចំនួន១, ទី៧-ចិញ្ចៀនលោហធាតុ ពណ៌សស្រេក ដាំត្បូងខៀវ, ទី៨-វ៉ាលី ពណ៌ខ្មៅ ចំនួន១ និងខោអាវមួយចំនួនទៀត។ បន្ទាប់ពីពិនិត្យរួច ខាងកម្លាំងជំនាញបច្ចេកទេស បានដឹកសាកសពយកទៅតម្កល់នៅសាលពេទ្យរុស្ស៊ី៕
Source: Kampuchea Thmey Daily
0 Comments