ភ្នំពេញ ៖ លោកយ៉ិន វុធ ចៅសង្កាត់ច្បារអំពៅទី២និងលោកវរសេនីយ៍ត្រី ទេព បូរ៉ា ជាមេប៉ុស្តិ៍បានប្រគល់អត្តសញ្ញាណប័ណ្ណគំរូថ្មី ដល់ប្រជាពលរដ្ឋសម្រាប់យកទៅប្រើប្រាស់តាមតម្រូវការចាំបាច់ជាផ្លូវការ។
លោកយ៉ិន វុធ បានមានប្រសាសន៍ថានៅព្រឹកថ្ងៃទី២៩ ខែមករានេះ លោកនិងលោកមេប៉ុស្តិ៍បានយកអត្តសញ្ញាណប័ណ្ណប្រជាពលរដ្ឋគំរូថ្មីជូនដល់ប្រជាពលរដ្ឋក្នុងមូលដ្ឋានសង្កាត់ជាបន្តបន្ទាប់នៅពេលដែលអត្តសញ្ញាណប័ណ្ណធ្លាក់មកដល់។
លោកចៅសង្កាត់បន្តថា អត្តសញ្ញាណប័ណ្ណគំរូថ្មីនេះ គឺភាគច្រើនប្តូរពីគំរូចាស់មកថ្មី។ និងអ្នកដែលគ្រប់អាយុកាន់អត្តសញ្ញាណប័ណ្ណចាប់ពីអាយុ១៥ឡើង។ ហើយការផ្តល់និងធ្វើអត្តសញ្ញាណប័ណ្ណនេះ គឺអាជ្ញាធរនិងសមត្ថកិច្ចមូលដ្ឋានមិនយកប្រាក់ឡើយ។ ក្នុងនោះដែរលោកចៅសង្កាត់ក៏បានបញ្ជាក់ផងជូនប្រជាពលរដ្ឋថា ការធ្វើអត្តសញ្ញាណប័ណ្ណប្រជាពលរដ្ឋគំរូថ្មីនេះ គឺត្រូវយកសៀវភៅស្នាក់នៅ ឬ សៀវភៅគ្រួសាររួមទាំងសំបុត្របញ្ជាក់កំណើតមកជាមួយ ទើបមន្ត្រីសមត្ថកិច្ចនគរបាលប៉ុស្តិ៍ធ្វើជូនដោយពុំគិតប្រាក់ឡើយ៕
Source: Kampuchea Thmey Daily
0 Comments