ឧត្តរមានជ័យ ៖ កម្លាំងជំនាញប្រឆាំងគ្រឿងញៀន សហការជាមួយកម្លាំងប៉ុស្តិ៍រដ្ឋបាលគោកមន ដឹកនាំបញ្ជាដោយលោកអនុសេនីយ៍ទោ ហ៊ាន គិត នាយប៉ុស្តិ៍ ចុះល្បាតត្រួតពិនិត្យរដ្ឋបាល បានឃាត់ខ្លួនជនសង្ស័យចំនួន០១នាក់ ពាក់ព័ន្ធករណីចែកចាយ និងប្រើប្រាស់នូវសារធាតុគ្រឿងញៀនខុសច្បាប់ កាលពីវេលាម៉ោង២៣និង៣០នាទី ថ្ងៃទី៨ ខែមករា ឆ្នាំ២០១៩ ចំណុចត្រពាំងក្បាលដំរី ស្ថិតនៅភូមិត្រពាំងអំពិល ឃុំគោកមន ស្រុកបន្ទាយអំពិល។
ក្នុងនោះសមត្ថកិច្ចបានធ្វើកាឃាត់ខ្លួន ជនសង្ស័យចំនួន០១នាក់ ៖ឈ្មោះ គិម វង់ ភេទប្រុស អាយុ៣១ឆ្នាំ រស់នៅភូមិសិង្ហ ឃុំគោកមន ស្រុកបន្ទាយអំពិល។ រីឯវត្ថុតាងឆែកឆេរដកហូតបានរួមមាន ថ្នាំញៀនមេតំហ្វេតាមីនWYចំនួន១០គ្រាប់។
បច្ចុប្បន្ន សមត្ថកិច្ច កំពុងសាកសួរ និងកសាងសំណុំរឿងតាមនីតិវិធី៕
Source: Kampuchea Thmey Daily
0 Comments