ក្លិបបឹងកេតអែហ្វស៊ី សមាជិកក្នុងពានរង្វាន់លីគកំពូលកម្ពុជា (Metfone Cambodian League) បានប្រកាសលទ្ធផលនៅលើហ្វេសប៊ុកផ្លូវការរបស់ខ្លួនថា ក្លិបស្វែងរកឃើញកីឡាករ៤៦នាក់ហើយដើម្បីដាក់ចូលក្នុងយុវជនថ្នាលក្រោមអាយុ១៧ឆ្នាំ (U17) របស់ខ្លួនក្រោយជម្រុះចេញពីបេក្ខជនប្រមាណជិត ខណៈបេក្ខជនភាគច្រើនគឺត្រូវតែមានឆ្នាំកំណើតចាប់ពីឆ្នាំ២០០២ ឡើងទៅ។
កីឡាករទាំង៣៤រូបនោះមានដូចជា ហៃ លាងហុង,ឡេង នភា, វឿន រ៉ាវី,សែម ច័ន្ទវិចិត្រ, ពៅវី មុន្នីបុត្រា,អេម ផលនិត,យ៉ន សំណាង,រួត ច័ន្ទតារា, វ៉ា តារា, ណាយ ឆេងប៉ាវ, សោម រត្តនៈចាន់ថន, អ៊ុំ ពិសិដ្ឋ, រតនៈ មុនី, លាវ ប្រាជ្ញសម្បូរ,វន សុខៃតុ,ម៉ូហាំម៉ាត់ អារីហ្វីន,ភាព សុផាន់ណា, ជឿន ពិសាខបូរមី,នី បញ្ញា, រ៉សេត អាហ្វីនី, ម៉ុន ពេជ, ស្រ៊ុន ដារ៉ូ, សួន ស័ក្ត,ស្រ៊ុន សេងហុង,រិន សុធារិទ្ធ,ទីន សលីហ៊ិន, Lim Jet Raeksmey, Lim Aarun Raymond, សិទ្ធី សាមីឌី, Koichi Keita, ណាល់ ស្ទីវិនដាឬទ្ធ, អារ៉ាហ្វីន វ៉ាន់នី, សៅ ចិត្រា និង សាវិន រ៉ានិត។
បេក្ខជនដែលជាប់ឈ្មោះទាំងអស់ខាងលើអាចទាក់ទងទៅកាន់ក្លិបដើម្បីចូលរួមហ្វឹកហាត់ជាមួយក្រុម។ សម្រាប់ព័ត៌មានបន្ថែមបេក្ខជនទាំងអស់ត្រូវទាក់ទងទៅកាន់ក្រុមការងារបឹងកេត តាមរយៈអាសយដ្ឋានផ្ទះលេខB01 បូរីសាន់វេទួលគោក សង្កាត់បឹងកក់១ ខណ្ឌទួលគោក ឬទំនាក់ទំនងតាមរយៈទូរស័ព្ទលេខ 097 548 7777 / 078 333 749 / 096 7788117 រៀងរាល់ម៉ោងធ្វើការ។
ក្លិបបឹងកេត ឡើងមកលេងពានរង្វាន់លីគកំពូលកម្ពុជា នៅឆ្នាំ២០១២ ហើយធ្លាប់ឈ្នះជើងឯកចំនួន៣លើកគឺនៅឆ្នាំ២០១២,២០១៦ និង២០១៧ ខណៈនៅឆ្នាំ២០១៣ និង២០១៤ ត្រឹមឈរជើងឯករង។ នៅឆ្នាំ២០១៧ ក្រុមនេះឈ្នះពានរង្វាន់ CNCC Cup 2017 ផងដែរ។ ចំណែកពានរង្វាន់នៅក្រៅស្រុកវិញក្រុមដែលមានប្រភពមកពីខេត្តកំពង់ចាម មួយនេះធ្លាប់ចេញទៅប្រកួតវគ្គជម្រុះតាមពូលពានរង្វាន់ AFC President's Cup នៅឆ្នាំ២០១៣ ធ្លាប់ឡើងដល់វគ្គផ្ដាច់ព្រ័ត្រពានរង្វាន់ Toyota Mekong Club Championship 2015 តែចាញ់ក្រុម Buriram United របស់ថៃ និងប្រកួតក្នុងពានរង្វាន់នៅឆ្នាំ២០១៦ និង២០១៧ ផងដែរ។ នៅឆ្នាំ២០១៨និង២០១៨ ក្រុមនេះមានឈ្មោះចេញទៅលេងពានរង្វាន់លំដាប់ទី២ប្រចាំទ្វីបអាស៊ី AF Cup ផងដែរតែធ្លាក់ត្រឹមវគ្គជម្រុះតាមពូលដូចគ្នា៕
Source: Kampuchea Thmey Daily
0 Comments