ភ្នំពេញ ៖ យោងតាមសមត្ថកិច្ច ប្រចាំការនៅស្នាក់ការបេនឡានច្បារអំពៅ បានឲ្យកម្ពុជាថ្មីដឹងថាកាលពីយប់ថ្ងៃទី២៨មករានេះ មានជនមិនស្គាល់មុខ បានយករថយន្តមួយគ្រឿង ម៉ាកមែកស៊ឺដែស ពណ៌ខ្មៅ ស៊េរីចាស់ យកមកចោតទុកចោល នៅបេនឡាន ដោយពុំបានផ្ញើនៅមន្ត្រីប្រចាំការឡើយ។
មន្ត្រីសមត្ថកិច្ចបានឲ្យដឹងទៀតថា រថយន្តខាងលើនេះ ពាក់ស្លាកលេខភ្នំពេញ2A 35 86 ហើយនៅក្នុងរថយន្តពុំមានរបស់របរអ្វីដែលអាចបញ្ជាក់ពីអត្តសញ្ញាណម្ចាស់រថយន្តឡើយ។ ដូច្នេះហើយសមត្ថកិច្ចបានប្រកាសស្វែងរកម្ចាស់រថយន្តដែលមានភិនភាគខាងលើ សូមមកទំនាក់ទំនងនៅការិយាល័យនគរបាលសណ្ដាប់ធ្នាប់ នៃស្នងការដ្ឋានរាជធានីភ្នំពេញ ព្រមទាំងនាំយកលិខិតស្នាមបញ្ជាក់ពីការកាន់កាប់រថយន្តនេះផង។
គួរបញ្ជាក់ថា កាលពីយប់ថ្ងៃទី២៨មករានេះ ជនមិនស្គាល់មុខ បានរថយន្តនេះ មកចតចោលនៅបេនឡានផ្សារច្បារអំពៅ ដែលមានទីតាំងស្ថិតនៅក្នុងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ដែលសមត្ថកិច្ចស្រាវជ្រាវទៅមិនមានម្ចាស់រថយន្តនៅច្បារអំពៅឡើយ៕
Source: Kampuchea Thmey Daily
0 Comments