Tiger Street Football Festival 2019 ឈានចូលវគ្គ១៦ក្រុម ចុងក្រោយ នៅមណ្ឌលបាត់ដំបង

បាត់ដំបង ៖ ព្រឹត្តិការណ៍ការប្រកួតពានរង្វាន់ Tiger Street Football Festival 2019 ថ្ងៃទី២៧ ខែមករា ឆ្នាំ២០១៩ ជា ថ្ងៃទី២ បានឈានជើងចូលវគ្គ១៦ក្រុមហើយ បន្ទាប់ពីធ្វើការប្រកួតពេញមួយព្រឹក ក្នុងវគ្គ៣២ក្រុម ដើម្បីចម្រាញ់យក តែ៩ក្រុម ទៅប្រកួតវគ្គផ្ដាច់ព្រ័ត្រ នៅរាជធានីភ្នំពេញ ថ្ងៃទី១៦ និងទី១៧ ខែមីនា ឆ្នាំ២០១៩ ខាងមុខនេះ។

សម្រាប់១៦ក្រុម ដែលចម្រាញ់ចេញ ពីការប្រកួតយ៉ាងស្វិតស្វាញនៅទីលានប្រកួត Tiger Street Football Festival 2019 នេះ គណៈកម្មការ ត្រូវជ្រើសរើសយកបាន៨ក្រុម ឡើងវគ្គផ្ដាច់ព្រ័ត្រ នៅរាជធានីភ្នំពេញ ចំណែកមួយក្រុមទៀត គណៈកម្មការ ត្រូវជ្រើសរើសចេញពីក្រុមបានចាញ់ការប្រកួត នៃ១៦ក្រុម។

ការប្រកួតរសៀលនេះ ពួកគេបានខិតខំប្រឹងប្រែងអស់ពីសមត្ថភាពរៀងៗខ្លួន ទើបដណ្ដើមកៅអីវគ្គ៨ក្រុម និងជើងឯក ប្រចាំមណ្ឌលខេត្តបាត់ដំបង។

លើសពីនេះ នៅជុំវិញបរិវេណកន្លែងរៀបចំកម្មវិធី Tiger Street Football Festival 2019 ក៏មានកន្លែងលេងហ្គេមកម្សាន្តដ៏រីករាយ ដើម្បីទទួលបានវត្ថុអនុស្សាវរីយ៍ជាច្រើនពីស្រាបៀរថៃហ្គ័រមានការដាក់តាំងលក់ សម្ភារៈកីឡា ព្រមទាំងទទួលបានការភ្ជាប់អ៊ីនធឺណិត ដោយឥតគិតថ្លៃ (Free Wifi) នៅបញ្ជរ Digital Booth និងក្លិបទឹកកកដ៏ពេញនិយម ដែលមានតារាល្បីប្រចាំព្រះរាជាណាចក្រកម្ពុជាច្រៀងនៅនោះ។

អ្នកគាំទ្រទាំងអស់ ក៏ទទួលបានកម្មវិធីលក់ជូនពិសេសសម្រាប់ការជាវស្រាបៀថៃហ្គ័រគ្រីស្ទាល់(Tiger Crystal) ៦ដប ទទួលបានគូប៉ុង១សន្លឹក ហើយគូប៉ុង២សន្លឹក ទទួលបានវ៉ែនតាមួយ គូប៉ុង៣សន្លឹកទទួលបានអាវធំមួយ និងគូប៉ុង៤សន្លឹក ទទួលបានSpeaker មួយ ទស្សនិកជនអាចទទួលទានបណ្តើរទស្សនាការប្រគំតន្ត្រី Tiger Street Football Festival 2019។

ក្រៅពីការប្រកួតបាល់ទាត់ ដ៏អស្ចារ្យនោះ នាពេលរាត្រី យើងក៏មានកម្មវិធីប្រគំតន្ត្រី កាន់តែធំជាងមុន ឆាកតន្ត្រីកាន់តែទំនើប និងមានក្លឹបទឹកកកថៃហ្គ័រគ្រីស្តាល់ ភ្លើងពណ៌ចម្រុះ នឹងមានការអញ្ជើញចូលរួមសម្តែងពីសំណាក់តារាល្បីប្រចាំព្រះរាជាណាចក្រកម្ពុជារួមមាន លោក ព្រាប សុវត្ថិ កញ្ញា ឱក សុគន្ធកញ្ញា កញ្ញា សួស វីហ្សា លោក សូណូ លោក វង្ស តារារតនា Khmeng Khmer និងឌីជេ Maily ។ ហើយតារាចម្រៀងទាំងអស់ បានលើកយកសុទ្ធសឹង ជាបទញាក់ កន្ត្រាក់អារម្មណ៍ជាហេតុ ធ្វើឲ្យអ្នកគាំទ្រនៅខេត្តបាត់ដំបងសប្បាយរីករាយ និងរាំកម្សាន្តទៅតាមចង្វាក់ភ្លេងយ៉ាងសប្បាយ រីករាយគ្រប់គ្នាពេញមុខឆាកតន្ត្រី។

ស្រាបៀថៃហ្គ័រ ជាស្រាបៀ ដែលមានគុណភាពខ្ពស់លំដាប់ថ្នាក់អន្តរជាតិ មានដើមកំណើតតាំងពីឆ្នាំ១៩៣២ នៅប្រទស សិង្ហបុរី និងមានលក់នៅច្រើនជាង៧០ប្រទេស នៅទូទាំងពិភពលោក ហើយស្រាបៀថៃហ្គ័រ ឈ្នះពានរង្វាន់លំដាប់ថ្នាក់ អន្តរជាតិច្រើនជាង៤០មេដាយ ផ្នែករសជាតិ និងគុណភាព។

សូមចូលទៅកាន់ទំព័រហ្វេសប៊ុកផ្លូវការ របស់ស្រាបៀថៃហ្គ័រ ៖ www.facebook.com/TigerBeerKHពិសាដោយការទទួលខុសត្រូវ៕