ឧត្តរមានជ័យ ៖ ថ្ងៃទី១៦ ខែកុម្ភៈ ឆ្នាំ២០១៩ វេលាម៉ោង០៨និង០០នាទីព្រឹក កម្លាំងប៉ុស្តិ៍នគរបាលរដ្ឋបាលឃុំថ្លាត ដឹកនាំដោយ លោកអនុសេនីយ៍ឯក អុល រុន នាយប៉ុស្តិ៍ ដោយសហការជាមួយក្រុមប្រឹក្សាឃុំ លោកមេភូមិ និងលោកនាយកសាលាចុះផ្សព្វផ្សាយ និងធ្វើវេទិកាសាធារណៈ ស្ដីពីគោលនយោបាយភូមិ/ឃុំមានសុវត្ថិភាពទាំង០៩យ៉ាង នៅសាលាបឋមសិក្សាអូរស្រឡៅ ស្ថិតនៅភូមិអូរស្រឡៅ ឃុំថ្លាត ស្រុកអន្លង់វែង ខេត្តឧត្តរមានជ័យ ដែលមានការចូលរួមពីប្រជាពលរដ្ឋ លោកគ្រូអ្នកគ្រូ សិស្សានុសិស្ស ចូលរួមសរុបចំនួន១៣៣នាក់ ស្រី៨១នាក់ ក្នុងនោះសមត្ថកិច្ច បានលើកឡើងអំពីផលប៉ះពាល់គ្រោះថ្នាក់ នៃគ្រឿងញៀន និងច្បាប់ ស្ដីពីការជួញដូរចែកចាយ និងរក្សាទុក ដោយខុសច្បាប់ នូវសារធាតុញៀន និងអំពើហិង្សាលើស្ត្រី និងកុមារ ហើយនៅពេលនោះ សមត្ថកិច្ចបានចែកលេខទូរស័ព្ទ និងខិត្តប័ណ្ណព័ត៌មាន ចំនួន៥០សន្លឹក ជូនដល់ប្រជាពលរដ្ឋទៀតផង ដើម្បីងាយស្រួលដល់បងប្អូនប្រជាពលរដ្ឋ នៅពេលមានហេតុការណ៍កើតឡើងជាយថាហេតុ នៅក្នុងមូលដ្ឋានស្រុក៕
Source: Kampuchea Thmey Daily
0 Comments