ឧត្តរមានជ័យ ៖ នៅរសៀលថ្ងៃទី១៥ ខែកុម្ភៈ ឆ្នាំ២០១៩នេះ លោក ឃិន ញ៉ាន អភិបាលរងខេត្តបាននាំយកអំណោយមនុស្សធម៌កាកបាទក្រហមកម្ពុជាចែកជូនប្រជាពលរដ្ឋក្រីក្រ ចាស់ជរាគ្មានទីពឹង ចំនួន៦គ្រួសារ ស្ថិតនៅឃុំគោកមន ស្រុកបន្ទាយអំពិល ខេត្តឧត្តរមានជ័យ។
ឆ្លៀតក្នុងឱកាសនោះ ឯកឧត្ដម ឃិន ញ៉ាន បានមានប្រសាសន៍ពាំនាំការផ្ដាំផ្ញើសាកសួរសុខទុក្ខពីសំណាក់ សម្ដេចកិត្តិព្រឹត្តិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា សម្ដេចតេជោហ៊ុន សែន នាយករដ្ឋមន្ត្រី នៃកម្ពុជា ដែលជានិច្ចកាល សម្ដេចទាំងទ្វេ តែងតែយកចិត្តទុកដាក់គិតគូរពីសុខទុក្ខជីវភាពការរស់នៅរបស់ប្រជាពលរដ្ឋគ្រប់ទីកន្លែង ដោយមិនប្រកាន់ពណ៌សម្បុរ និងនិន្នាការនយោបាយឡើយ ទោះបីជាអំណោយថ្ងៃនេះ មានចំនួនតិចតួចក្តី តែវាក៏អាចជួយសម្រួលដល់ជីវភាពការរស់នៅរបស់បងប្អូនបានមួយរយៈផងដែរ។
អំណោយដែលផ្តល់ជូននាពេលនោះ ដោយក្នុងមួយគ្រួសារទទួលបានអង្ករ២៥គីឡូ មីមួយកេស ទឹកត្រី ទឹកស៊ីអ៊ីវ ត្រីខមួយយួរ និងឃីតមួយកញ្ចប់ផងដែរ៕
Source: Kampuchea Thmey Daily
0 Comments