ភ្នំពេញ ៖ ស្ត្រីម្នាក់ ដែលជាអ្នករួមដំណើរក្នុងរថយន្តនីសាន់ បានទទួលរងរបួសធ្ងន់ធ្ងរ ដោយសារតែជួបគ្រោះថ្នាក់រថយន្តរថយន្តក្រុង និងនីសាន់ ដែលបានបុកគ្នាពេញទំហឹង នៅវេលាម៉ោង៩និង៤៥នាទី ថ្ងៃទី១៧ ខែកុម្ភៈ ឆ្នាំ២០១៩ ចំណុចផ្លូវខ្វែងលេខ R៥ កែងR៨ សង្កាត់ស្រះចក ខណ្ឌដូនពេញ។
ប្រភពព័ត៌មានពីកន្លែងកើតហេតុបានឲ្យដឹងថា នៅវេលាកើតហេតុ គេឃើញរថយន្តក្រុង ពណ៌ស ពាក់ស្លាកលេខ 3A-1353 ស្វាយរៀង ជារបស់ក្រុមហ៊ុនបូព៌ា ដឹកអ្នកដំណើរ និងរថយន្តនីសាន់ ពណ៌ខៀវ ពាក់ស្លាកលេខ គ-6160 ភព២ ដែលភាគីម្ខាងបើកចេញតាមផ្លូវR៥និងភាគីម្ខាងទៀត បើកតាមបណ្តោយផ្លូវR៨ លុះមកដល់ចំណុចកើតហេតុ មិនដឹងជាមូលហេតុអ្វីនោះទេ ស្រាប់តែភាគីទាំង២គ្រឿងនោះ បានបើកបុកកៀរគ្នា បណ្តាលឲ្យភាគីខាងរថយន្តនីសាន់កញ្ចាស់ ត្រូវទទួលរបួសស្ត្រីម្នាក់ ដែលរួមដំណើរក្នុងរថយន្តនីសាន់ តែ អ្នកបើកទាំងសងខាងមិនមានបញ្ហានោះទេហើយរថយន្តទាំង២គ្រឿងនោះ ត្រូវខូចខាតខ្លាំងខាងរថយន្តនីសាន់។
សមត្ថកិច្ចផ្នែកវាស់វែងខណ្ឌដូនពេញបានបញ្ជាក់ថា ករណីគ្រោះនេះ បណ្តាលឲ្យអ្នកជិះក្នុងរថយន្តនីសាន់ របួស១នាក់ ភេទស្រី ព្យាបាលនៅមន្ទីរពេទ្យកាល់ម៉ែត អ្នកបើករថយន្តទាំង២ មិនមានរបួសនោះទេ។ ករណីនេះ បានប្រគល់ឲ្យជំនាញចរាចរណ៍ក្រុងវាស់វែងយករថយន្តទាំង២គ្រឿង ទៅរក្សាទុកនៅការិយាល័យចរាចរណ៍ផ្លូវគោក ដើម្បីរង់ចាំដោះស្រាយគ្នាបន្តទៀត៕
Source: Kampuchea Thmey Daily
0 Comments