ភ្នំពេញ ៖ កម្មវិធី Mobile World Congress ឆ្នាំ២០១៩ ដែលបានប្រារព្ធធ្វើឡើងនៅទីក្រុង Barcelona ប្រទេស អេស្ប៉ាញ បានបើកទំព័រថ្មីទៅកាន់ពិភពលោក ដោយការដាក់បង្ហាញនូវបច្ចេកវិទ្យាថ្មី 5G សឹងតែគ្រប់ទីតាំងថ្មី និង ទំនើប ដែលធ្វើឲ្យមានកាចាប់អារម្មណ៍យ៉ាង ខ្លាំង ពីសំណាក់ផលិតករទូរស័ព្ទ និង អ្នកបច្ចេកវិទ្យានិយម និង អ្នកជំនួញជាច្រើនមកពីជុំវិញពិភពលោក ដែលក្នុងនោះមានការបង្ហាញខ្លួន នៃស្មាតហ្វូនល្បីៗជាច្រើន បានអនុវត្តន៍ការបំពាក់នូវប្រព័ន្ធ 5G ដែលក្នុងនោះក្រុមហ៊ុនស្មាតហ្វូន Oppo ដែលជាស្មាតហ្វូនដែលផលិតដោយក្រុមហ៊ុនបច្ចេកវិទ្យាខ្នាតយក្សនៅប្រទេសចិន ក៏មានវត្តមាននៅក្នុងព្រឹត្តិការណ៍ដ៏អស្ចារ្យនោះដែរ។
តើ 5G គឺជាអ្វីទៅ? 5G គឺជាបច្ចេកវិទ្យានៃប្រព័ន្ធអ៊ីនធឺណិតឥតខ្សែជំនាន់ទីប្រាំដែលពិភពលោកតែងតែស្រម៉ៃ និង ប្រាថ្នាចង់បានក្នុងការបញ្ជូនទិន្នន័យក្នុងល្បឿនលឿន ដែលមានទំហំធំៗ អាចទាញយកដោយគ្មានភាពរំខាន ឬ គាំងក្នុងករណីណាមួយឡើយ អ្នកប្រើប្រាស់ទូរស័ព្ទទាំងអស់អាចទស្សនារាល់កម្មវិធីនានា បានយ៉ាងងាយស្រួល ដោយភាពរីករាយ និងអាចទុកចិត្តបានគ្រប់ពេលវេលា និង គ្រប់ទីកន្លែង។ ក្រោយពីបានបង្ហាញបច្ចេកវិទ្យា 10X Optical Zoom ជាសាធារណៈរួចមក ក្នុងឱកាសនោះដែរ ក្រុមហ៊ុនស្មាតហ្វូន OPPO ក៏បានចូលរួមចំណែកក្នុងការបំពាក់ប្រព័ន្ធ 5G ដ៏ស៊ីវិល័យ សម្រាប់បំពេញសេចក្ដីត្រូវការ នៃអតិថិជនរបស់ខ្លួន និង ការប្រកួតប្រជែងបច្ចេកវិទ្យានៅលើពិភពលោកដូច្នេះដែរ ជាពិសេស OPPO នឹងគ្រោងបង្កើតទូរស័ព្ទថ្មី និង ដំបូងបំផុតមិនធ្លាប់មាន ដែលបានបំពាក់ប្រព័ន្ធបច្ចេកវិទ្យា 5G ដ៏ទំនើប និងគួរឲ្យចាប់អារម្មណ៍បំផុត។
វាបានស្ថិតនៅក្នុងផ្នត់គំនិតមនុស្សគ្រប់ៗគ្នាដែលថា "អ៊ីនធឺណិតល្បឿនលឿន គឺជាអ្វីៗគ្រប់យ៉ាង បច្ចេកវិទ្យា គឺស្ថិតក្នុងដៃយើងគ្រប់គ្នា គ្មានអ្វីដែលជាអាថ៌កំបាំងទៀតទេ វានឹងកាន់តែខិតមកជិតភាពពិតហើយ ព្រោះវាបានជួយសម្រួលដល់ការធ្វើការងារ និង សកម្មភាពរស់នៅប្រចាំថ្ងៃរបស់មនុស្សជាតិផងដែរ។ (ដូច្នេះសូម ទស្សនារូបភាពដែល OPPO បានបំពាក់ប្រព័ន្ធ5G នៅក្នុងព្រឹត្តិការណ៍នោះទាំងអស់គ្នា)។ សូមបញ្ជាក់ថា កាលពីថ្ងៃទី២៧ ខែតុលា ឆ្នាំ២០១៨ កន្លងទៅ មន្ទីរពិសោធន៍ផលិតផលទូរស័ព្ទរបស់ OPPO បានប្រកាសត្រៀមខ្លួនគ្រប់គ្រាន់សម្រាប់ការចេញផ្សាយការធ្វើពាណិជ្ជកម្មអ៊ីនធឺណិត 5G របស់ពួកគេ។
នៅថ្ងៃទី៣០ ខែវិច្ឆិកា ឆ្នាំ២០១៨ OPPO បានប្រកាសព័ត៌មាន នៃការបំពាក់ 5G ទៅលើ Video Call នៃ WeChat ដែលរចនាឡើងដោយ 5G’s OPPO Prototype ផងដែរ។ បន្ទាប់មកនៅថ្ងៃទី៦ ខែធ្នូ ឆ្នាំ២០១៨ នៅក្នុងកម្មវិធី China Mobile Partner Conference ក្រុមហ៊ុនស្មាតហ្វូន បានបញ្ចេញទូរស័ព្ទ Find X ដែលបានភ្ជាប់ជាមួយបច្ចេកវិទ្យា 5G Prototype ជាលើកដំបូងរបស់ខ្លួនដែលមានល្បឿនលឿន ទោះបីស្ថិតក្នុងថាមពលថ្មតិចក៏ដោយ។
ដូច្នេះការប្រកាសរបស់ក្រុមហ៊ុនស្មាតហ្វូន OPPO គឺជាការពិត។ ស្របពេលដែលស្ថិតនៅក្នុងព្រឹត្តិការណ៍កម្មវិធី Mobile World Congress ឆ្នាំ២០១៩ នោះដែរ លោក Anyi Jiang ប្រធានផ្នែកធនធានមនុស្ស និង យុទ្ធសាស្ត្រទីផ្សារ នៃក្រុមហ៊ុន OPPO បានឲ្យដឹងថា យើងខ្ញុំជឿជាក់ថាលោកអ្នកប្រាកដជាកំពុងរង់ចាំ OPPO’s First 5G Smartphone យ៉ាងអន្ទះសារហើយ ដូច្នេះនៅពេលនេះយើងខ្ញុំបានកំពុងធ្វើការងារទាំងអស់នេះ លើការផលិតវាចេញមកហើយ។ នេះជាការអះអាងរបស់ស្ថាបនិក OPPO លើបច្ចេកវិទ្យារបស់ខ្លួន ដូច្នេះយើងរង់ចាំមើលទាំងអស់គ្នាថា តើ OPPO នឹងមានអ្វីថ្មី សម្រាប់អតិថិជនរបស់ពួកគេ! ហើយតើ OPPO ពិតជានឹងមានស្មាតហ្វូនផ្សារភ្ជាប់ជាមួយ 5G ពិតប្រាកដមែនឬទេ!៕
Source: Kampuchea Thmey Daily
0 Comments