ឧត្តរមានជ័យ ៖ អាជ្ញាធរថៃ បានបញ្ជូនប្រជាពលរដ្ឋខ្មែរចំនួន១នាក់ តាមច្រកអន្តរជាតិជាំ កាលពីវេលាម៉ោង១៤និង១០នាទី ថ្ងៃទី២៨ ខែមីនា ឆ្នាំ២០១៩ ស្ថិតនៅក្នុងភូមិជាំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។
ពលរដ្ឋខ្មែរម្នាក់ ដែលអាជ្ញាធរថៃបញ្ជូនមកឲ្យកម្ពុជាវិញនោះ មាន ឈ្មោះ ចួន រឿន ភេទប្រុសអាយុ៣៧ឆ្នាំ រស់នៅភូមិម្កាក់ ឃុំថមល្អ ស្រុកសំរោងទង ខេត្តកំពង់ស្ពឺ។ រូបគេ ជាប់គុកនៅស្រុកខាន់តាឡាក់ខេត្តស៊ីសាកេត ប្រទេសថៃ ក្រោយចាប់ខ្លួនថ្ងៃទី០២ ខែមេសា ឆ្នាំ២០១៦ ពីបទឆ្លងដែនកាប់ឈើគ្រញូងខុសច្បាប់ ចូលតាមច្រកអូរស្វាយ ស្ថិតក្នុងភូមិសាស្ត្រខ្មែរភូមិ/ឃុំអូរស្វាយ ស្រុកត្រពាំងប្រសាទ ខេត្តឧត្តរមានជ័យ ឈមខាងថៃភូមិស្ទឹងចាន់ ឃុំបាក់ដង ស្រុកខាន់ថាឡាក់ ខេត្តស៊ីសាកេត។
បច្ចុប្បន្ន ពលរដ្ឋខ្មែរម្នាក់ខាងលើ ត្រូវបានសមត្ថកិច្ចបានធ្វើការអប់រំ រួចក៏បានឲ្យទៅលំនៅឋានវិញ៕
Source: Kampuchea Thmey Daily
0 Comments