លោកស្នងការនគរបាលខេត្ត និងមន្ត្រីក្រោមឱវាទ បាននាំយកគ្រឿងឧបភោគបរិភោគចែកជូនអតីត យុទ្ធជន និងជនក្រីក្រចំនួន៤គ្រួសារ នៅក្រុងសំរោង

Cambodia News April 19, 2019

ឧត្តរមានជ័យ ៖ នៅល្ងាចថ្ងៃទី១៨ ខែមេសា ឆ្នាំ២០១៩ លោកឧត្ដមសេនីយ៍ទោ ម៉ែន លី ប្រធានគណៈកម្មាធិការសមាគមអតីតយុទ្ធជនកម្ពុជាខេត្ត បានដឹកនាំមន្ត្រីក្រោមឱវាទ នាំយកគ្រឿងឧបភោគបរិភោគ ចែកជូនដល់អតីតយុទ្ធជន និង ជនក្រីក្រចំនួន០៤គ្រួសារ នៅក្នុងក្រុងសំរោង ដែលមានជីវភាពខ្វះខាត។

ក្នុង១គ្រួសារៗ ទទួលបាន ៖ អង្ករ១ការុង, មី២កេស, ត្រីខ២យួរ, ទឹកត្រី១យួរ, ទឹកស៊ីអ៊ីវ១យួរ, ទឹកដោះគោឆ្អិន ២កំប៉ុង, ស្ករស១kg, ប៊ីចេង១កញ្ចប់, ទឹកបរិសុទ្ធ២យួរ និង ថវិកា ចំនួន៥០,០០០៛។ ដោយឡែកអ្នកចូលរួម ចំនួន៤នាក់ ម្នាក់ៗ ទទួលបានថវិការចំនួន២០,០០០រៀលទៀតផង។

លោកឧត្ដមសេនីយ៍ទោ ម៉ែន លី ស្នងការនគរបាលខេត្តបានមានប្រសាសន៍ថា ថ្វីត្បិតតែអំណោយទាំងនេះវាតិចតួចក៏ពិតមែន ក៏ជួយដល់បងប្អូនបានមួយរយៈពេលផងដែរ៕