កោះកុង ៖ មានការភ្ញាក់ផ្អើលមួយ បានកើតឡើង ដោយសារគេបានប្រទះឃើញបុរសម្នាក់ដេកស្លាប់ផ្កាប់មុខនៅក្នុងទឹកព្រែក។
តាមការស្រាវជ្រាវពិនិត្យសាកសពរបស់អាជ្ញាធរមូលដ្ឋានគេដឹងថា ជនរងគ្រោះ ឈ្មោះ ផៃ សំណាង ភេទប្រុស អាយុ៣០ឆ្នាំ ជនជាតិខ្មែរ មុខរបរកម្មករសំណង់ មានទីលំនៅភូមិបាងកាយ៉ាក ឃុំពាមក្រសោប ស្រុកមណ្ឌលសីមា ខេត្តកោះកុង។
ពាក់ព័ន្ធករណីស្លាប់នេះ ត្រូវបានមិត្តភ័ក្ដិរបស់ជនរងគ្រោះបំភ្លឺសមត្ថកិច្ចថា ជនរងគ្រោះស្រវឹងស្រាបើកបរម៉ូតូធ្លាក់ទឹកព្រែកបណ្ដាលឲ្យស្លាប់ខ្លួនឯង នៅចំណុចព្រែកខ្លងចិក ក្នុងភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។
ក្រោយពីពិនិត្យសាកសពរួច សមត្ថកិច្ច បានប្រគល់ជូនក្រុមគ្រួសារជនរងគ្រោះចាត់ចែងយកទៅធ្វើបុណ្យតាមប្រពៃណី៕
Source: Kampuchea Thmey Daily
0 Comments