សមត្ថកិច្ច និងអាជ្ញាធរ២ខេត្ត គឺខេត្តព្រះវិហារ និងខេត្តឧត្តរមានជ័យ បានអញ្ជើញចុះពិនិត្យ និងដោះស្រាយទំនាស់ដីធ្លី នៅទីតាំងកន្លែងកើតហេតុ

Cambodia News April 10, 2019

ឧត្តរមានជ័យ ៖ នៅព្រឹកថ្ងៃទី១០ ខែមេសា ឆ្នាំ២០១៩ ឯកឧត្ដមឧត្ដមសេនីយ៍ឯក ហ៊ូ សុគន្ធ អគ្គស្នងការរងនគរបាលជាតិ និងជាអនុប្រធានគណៈកម្មាធិការបង្ក្រាបបទល្មើសធនធានធម្មជាតិ អមដំណើរដោយ ឯកឧត្តម អស់លោក គណៈបញ្ជារការខេត្ត គណៈបញ្ជារការស្រុក នៃខេត្តទាំង០២ (ឧត្តរមានជ័យ និងព្រះវិហារ) បានអញ្ជើញចុះមកពិនិត្យ និងដោះស្រាយទំនាស់ដីធ្លីដែលប្រជាពលរដ្ឋបានកាប់ព្រៃទន្ទ្រានយកដី និងធ្វើជំរឿនប្រជាពលរដ្ឋ នៅទីតាំងកន្លែងកើតហេតុ ស្ថិតក្នុងភូមិអន្ទិល ឃុំយាង ស្រុកជាំក្សាន្ត ខេត្តព្រះវិហារ ដែលមានព្រំប្រទល់ជាប់ជាមួយ ឃុំត្រពាំងប្រាសាទ និងឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ។

ដោយមានកងកម្លាំងចម្រុះ (កម្លាំងនគរបាល និងកម្លាំងរាជអាវុធហត្ថ) នៃខេត្តឧត្តរមានជ័យ និងខេត្តព្រះវិហារ បានចុះការពារទីតាំងកន្លែងកើតហេតុ មកទល់ពេលនេះ សភាពការណ៍បានវិវត្តន៍ទៅរកភាពល្អប្រសើរ ហើយពុំមានអំពើហិង្សាអ្វីកើតឡើងនោះទេ៕