ឧត្តរមានជ័យ ៖ កម្លាំងជំនាញការិយាល័យប្រឆាំងគ្រឿងញៀនខេត្តឧត្តរមានជ័យ ដឹកនាំដោយលោកឧត្ដមសេនីយ៍ត្រី ផេង តារា ស្នងការរងនគរបាលខេត្ត ចុះបង្ក្រាបករណីជួញដូរ ចែកចាយរក្សាទុក និងប្រើប្រាស់គ្រឿងញៀនបានមួយករណី កាលពីវេលាម៉ោង១៤និង០០នាទី ថ្ងៃទី១០ ខែមេសា ឆ្នាំ២០១៩ ត្រង់ចំណុចភូមិកំណប់ សង្កាត់បន្សាយរាក់ ក្រុងសំរោង ខេត្តឧត្តរមានជ័យ និង ឃាត់ខ្លួនជនសង្ស័យ១នាក់ រួមជាមួយវត្ថុតាងជាច្រើន។
ជនសង្ស័យ ដែលឃាត់បានមាន ១.ឈ្មោះ ជ័យ សុភា ភេទប្រុស អាយុ២៨ឆ្នាំ រស់នៅភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ។ ចំណែកវត្ថុតាងរួមមាន ថ្នាំញៀនប្រភេទមេតំហ្វេតាមីន( ice) ទឹកកក ចំនួន៨កញ្ចប់ ធំ៣កញ្ចប់ តូច៥ កញ្ចប់ ស្មើនឹង២៤៩.០៨ក្រាម ទូរស័ព្ទដៃចំនួន២គ្រឿង, ជញ្ជីងថ្លឹងថ្នាំញៀន១គ្រឿង, ថង់ប្លាស្ទិក, ដែកកេះ និងដបសម្រាប់ជក់មួយចំនួនទៀត។
បច្ចុប្បន្ន សមត្ថកិច្ចជំនាញ កំពុងធ្វើការសួរនាំ និងកសាងសំណុំរឿងទៅតាមនីតិវិធីបញ្ជូនទៅសាលាដំបូងខេត្ត៕
Source: Kampuchea Thmey Daily
0 Comments