គង់ ច័ន្ទស្រីមុំ ក្លាយជាតំណាងផ្សព្វផ្សាយឲ្យផលិតផលសុខភាពVianne’លើទីផ្សារកម្ពុជា

ភ្នំពេញ ៖ កាន់តែមានភាពល្បីល្បាញតារាសម្ដែងស្រី និងជាថៅកែហាងវ័យក្មេងអ្នកនាង គង់ ច័ន្ទស្រីមុំពេលនេះស្រាប់តែក្តាប់បានឱកាសបន្ថែមថ្មីមួយទៀតនៅលើទីផ្សារសព្វថ្ងៃពោលគឺក្រៅតែពីបើកមុខជំនួញរកស៊ីផ្ទាល់ខ្លួននិងអាជីពសិល្បៈតារាស្រីរូបនេះ ត្រូវបានជ្រើសរើសឲ្យក្លាយជាតំណាងផ្សព្វផ្សាយផលិតកម្មសុខភាពVianné_Collagenនៅលើទីផ្សារកម្ពុជា។

តារាស្រីអ្នកនាង គង់ ច័ន្ទស្រីមុំ បាននិយាយប្រាប់ឲ្យដឹងពីចំណាប់អារម្មណ៍ផ្ទាល់ខ្លួនថា ខ្ញុំពេញចិត្តនិងសប្បាយចិត្តដែលបានក្លាយជាតំណាងផ្សព្វផ្សាយឲ្យផលិតកម្មសុខភាព Vianné_Collagenដោយសារតែផលិតផលនេះគឺមានបញ្ចូលជាមួយវីតាមីនជំនួយឆ្អឹង និងស្បែកថែមទាំងសុខភាពរបស់អតិថិជនអ្នកប្រើប្រាស់ទៀតផង។ ម្យ៉ាងទៀតអត្ថប្រយោជន៍របស់ផលិតផលសុខភាព Viannéគឺអាចប្រើប្រាស់បានទាំងមនុស្សចាស់និងក្មេងគ្រប់វ័យ។

អ្នកនាង គង់ ច័ន្ទស្រីមុំ បានបន្តថា មុនក្លាយជាតំណាងផលិតផលខាងលើនេះ នាងបានដកបទពិសោធន៍ក្នុងការប្រើប្រាស់មានរយៈពេល១ខែ ដោយដំបូងឡើយនាងជួបបញ្ហាសន្លាក់ក្រោយពេលសម្រាលកូនរួច តែនៅពេលដែលបានប្រើផលិតផលសុខភាពមួយនេះគឺបញ្ហាសន្លាក់បានអន់ថយការឈឺចុកចាប់ច្រើន និងថែមទាំងធ្វើឲ្យសាច់ស្បែកស្អាតទៀតផង។

តារាស្រីអ្នកនាង គង់ ច័ន្ទស្រីមុំ បញ្ជាក់ថា ជាការកត់សម្គាល់រយៈពេល១ខែនៃការប្រើប្រាស់ផលិតផលនេះ គឺបានជួយសម្រួលដល់បញ្ហាសន្លាក់ឆ្អឹងរបស់នាងបានច្រើន ហើយVianné_Co llagenនេះដែរ វាក៏មានចំណុចពិសេសត្រង់ថា ងាយស្រួលប្រើព្រោះគ្មានក្លិនហើយអាចញ៉ាំលាយជាមួយអាហារ ទឹក ឬរបស់ផ្សេងៗទៀតបានផងដែរ។

អ្នកនាង គង់ ច័ន្ទស្រីមុំ លើកឡើងទៀតថា ក្រៅពីក្លាយជាតំណាងផ្សព្វផ្សាយហើយនោះនាងក៏មានបំណង និងកំពុងសម្រេចចិត្តយកទៅចែកចាយបន្តភ្ជាប់ជាមួយផលិតផលរបស់ខ្លួន ដែលមានស្រាប់ផងដែរដោយហេតុថាផលិតផលនេះអាចជួយសម្រួលច្រើនដល់ស្ត្រី ក្រោយពេលសម្រាលកូនរួចពិសេសគឺផ្តោតសំខាន់លើប្រព័ន្ធឆ្អឹងតែម្ដង។ អ្នកនាងបន្ថែមថា សម្រាប់កុងត្រា(ចុះកិច្ចសន្យា)ជាតំណាងចែកចាយខាងលើនេះគឺមានរយៈពេល១ឆ្នាំហើយតម្លៃខ្លួនមិនក្រោម១ម៉ឺនដុល្លារឡើយ។

ដោយឡែកបើតាមការឲ្យដឹងពីលោក ហេង ហុកឡាយ ដែលជាCEO របស់ក្រុមហ៊ុន Vianné Collagenបានលើកឡើងថា ការជ្រើសរើសតារាស្រីអ្នកនាង គង់ ច័ន្ទស្រីមុំ ឲ្យធ្វើជាតំណាងរបស់ផលិតផលVianné_Collagenនោះ គឺដោយសារតែនាងជាតារាស្រីម្នាក់ ដែលមានប្រជាប្រិយភាព និងការគាំទ្រពីសំណាក់ទស្សនិកជន ជាពិសេសនោះ រវាងលោកនិង គង់ ច័ន្ទស្រីមុំ បានរាប់អានស្គាល់ចិត្តគ្នាមានរយៈពេលយូរឆ្នាំមកហើយពោល គឺចាប់តាំងតែនាងមិនទាន់រៀបអាពាហ៍ពិពាហ៍ឯណោះ៕