រដ្ឋការរបស់លោកអូបាម៉ា បានបើករណសិរ្សថ្មីមួយនៅក្នុងការប្រយុទ្ធរបស់ពិភពលោកចំពោះការចែកចាយទីផ្សារប្រេងដែលបានសំអាតផ្លូវប្រកបដោយប្រសិទ្ធភាពសម្រាប់ការបញ្ជូនប្រេងទៅ០១លានបារ៉ែលក្នុងមួយថ្ងៃ ទៅកាន់ប្រទេសផ្សេងៗទៀតនៅលើពិភពលោក។
ក្រសួងពាណិជ្ជកម្មកាលពីថ្ងៃអង្គារ ទី៣០ ខែធ្នូ បានបញ្ចប់ភាពស្ងប់ស្ងាត់រយៈពេលមួយឆ្នាំដ៏វែងស្តីអំពីការហាមការនាំប្រេងចេញ រយៈពេល៤ឆ្នាំ នោះដោយបាននិយាយថា ខ្លួនបានចាប់ផ្តើមយល់ព្រមចំពោះសំណើដែលមិនទាន់បានដោយស្រាយដើម្បីលក់ប្រេងស្រាលទៅបរទេស។ ក្រសួងនេះក៏បានចេញនូវឯកសារដែលរង់ចាំជាយូរមកហើយដែលគូសបញ្ជាក់អំពីប្រភេទប្រេងអ្វីពិតប្រាកដដែលអ្នកនាំចេញនឹងអាចបញ្ជូនចេញនោះ។ ការខិតខំយ៉ាងម៉ត់ចត់លើកដំបូងរបស់រដ្ឋការដើម្បីបំភ្លឺបញ្ហាដែលបានបណ្ដាលឲ្យមានការយល់ច្រឡំ និងភ្ញាក់ផ្អើលនៅក្នុងទីផ្សារថាមពលអស់រយៈពេលជាងមួយឆ្នាំមកនេះ ទំនងជានឹងធ្វើឲ្យសប្បាយរីករាយដល់អ្នកខួងប្រេងក្នុងស្រុកនិងដៃគូពាណិជ្ជកម្មបរទេសនិងពួកអ្នកសាធារណរដ្ឋមួយចំនួនផងដែរ ដែលបានអំពាវនាវលោកអូបាម៉ាឲ្យស្រាយចំណងការហាមការនាំចេញនេះដែលពួកគេបានមើលឃើញថា ជាការនៅក្រាញមួយមិនទាន់សម័យពីការរាំងខ្ទប់ប្រេងអារ៉ាប់នៅក្នុងទសវត្សរ៍ឆ្នាំ១៩៧០។
វិធានការចុងក្រោយនេះ បានកើតឡើងនៅក្នុងចំណុចពិសេសសំខាន់មួយសម្រាប់ទីផ្សារប្រេងពិភពលោក។ តម្លៃប្រេងពិភពលោកបានថយចុះជាពីរទៅដល់តិចជាង៦០ដុល្លារ ក្នុងមួយបារ៉ែល ចាប់តាំងពីរដូវក្តៅមកនៅពេលដែលប្រទេសអារ៉ាប៊ីសាអូឌីតអ្នកនាំប្រេងចេញដ៏កំពូលនោះដែលធ្លាប់តែការពារដោយស្មោះត្រង់នូវតម្លៃ១០០ដុល្លារ ក្នុងមួយបារ៉ែលបានបដិសេធមិនព្រមកាត់បន្ថយការផលិតនៅក្នុងការប្រឈមនឹងការកញ្ជ្រោលឡើងនៃទិន្នផលប្រេងស្រទាប់ថ្មរបស់អាមេរិកនិងបានធ្វើឲ្យតម្រូវការពិភពលោកទប់កំហឹងមិនបាននោះ។
ដោយបើកទ្វារការនាំចេញ ប្រេងឆៅអាមេរិកនោះ រដ្ឋការកំពុងតែផ្តល់ការធ្វើឲ្យធូរស្បើយដល់អ្នកខួងប្រេងក្នុងស្រុកមួយចំនួនដែលបាននិយាយថា ពួកគេត្រូវបានបង្ខំឲ្យលក់ប្រេងស្រទាប់ថ្មរបស់ពួកគេដោយបញ្ចុះតម្លៃចំនួន១៥ដុល្លារ ក្នុងមួយបារ៉ែល ប្រឆាំងនឹងទីផ្សារពិភពលោក នៅពេលដែលការផ្គត់ផ្គង់ក្នុងស្រុកកើនឡើងយ៉ាងឆាប់រហ័សលើតម្រូវការនោះ៕
ថាលីយ៉ាន
0 Comments