គណបក្សឆ្វេងនិយមរ៉ាឌីកាល់ដែលបានប្ដេជ្ញាថានឹងបញ្ចប់កម្មវិធីរឹតបន្តឹងដែលឈឺចាប់របស់ប្រទេសក្រិក បានទទួលជ័យជំនះដែលជាប្រវត្តិសាស្ត្រនៅក្នុងការបោះឆ្នោតសភានៅថ្ងៃអាទិត្យ ដោយបានបង្កើតការបង្ហាញនូវអំណាចអំណត់មួយជាមួយម្ចាស់បំណុលអន្តរជាតិរបស់ប្រទេសដែលអាចធ្វើឲ្យតំបន់អឺរ៉ុបរង្គោះរង្គើនោះ។
លោក អាឡិច ស៊ីល ធីស៊ី ប្រាស់(Alexis Tsipras) មេដឹកនាំគណបក្ស Syriza ដែលមានឫសគល់កុម្មុយនិស្តនោះ បានសន្យាភ្លាមៗថានឹងបញ្ចប់នូវ"ភាពអាម៉ាស់ និងការឈឺចាប់រយៈពេល៥ឆ្នាំ ដែលប្រទេសក្រិក បានស៊ូទ្រាំចាប់តាំងពីមានការបង់ប្រាក់ធានាអន្តរជាតិជួយឲ្យខ្លួនរួចផុតពីការក្ស័យធននៅក្នុងឆ្នាំ២០១០។
លោក ធីស៊ីប្រាស់ បាននិយាយប្រាប់ពួកអ្នកគាំទ្រដែលកំពុងគ្រវីទង់ថា "សេចក្តីសម្រេចចិត្តរបស់ប្រជាជនក្រិកលែងមានការសង្ស័យនិងមជ្ឈដ្ឋានពុករលួយនៅក្នុងប្រទេសរបស់យើង"។
ប្រសិនបើលោកធីស៊ីប្រាស់ អាយុ៤០ឆ្នាំ ដែលអាចដាក់បញ្ជូនជាមួយរដ្ឋាភិបាលនោះលោកនឹងជានាយករដ្ឋមន្ត្រីវ័យក្មេងបំផុតរបស់ប្រទេសក្រិកនៅក្នុងរយៈពេល១៥ឆ្នាំ ដោយឡែកគណបក្សSyriza នឹងជាគណបក្សឆ្វេងនិយមរ៉ាឌីកាល់លើកដំបូងបង្អស់ដែកនឹងគ្រប់គ្រងរដ្ឋាភិបាល។
ទស្សនវិស័យរបស់រដ្ឋាភិបាលដែលប្រឆាំងនឹងការបង់ប្រាក់ធានាដែលនឹងឡើងកាន់អំណាចនៅក្នុងប្រទេសក្រិក បានធ្វើឲ្យមានការភ័យខ្លាចជាថ្មីពីការក្ស័យធន់ដែលអាចធ្វើឲ្យរង្គោះរង្គើទូទាំងតំបន់អឺរ៉ុប តាមរយៈទីផ្សារសាកលនិងបំផ្លាញប្រាក់អឺរ៉ុបដែលជារូបិយប័ណ្ណប្រើរួមដោយប្រទេសអឺរ៉ុបទាំង១៩នោះ៕
រឹទ្ធ
0 Comments