ប្រទេសជប៉ុននៅថ្ងៃច័ន្ទកំពុងធ្វើការ ដើម្បីសម្របសម្រួលកិច្ចប្រឹងប្រែងជាមួយប្រទេសហ្សកដានី និងប្រទេសផ្សេងទៀត ដើម្បីជួយចំណាប់ខ្មាំងម្នាក់ ដែលត្រូវបានក្រុមជ្រុលនិយមឥស្លាម
ចាប់។
លោក យ៉ាស ស៊ូហ៊ីដ លោក ណា កាយ៉ា ម៉ា (Yas suhide Nakayama) អនុរដ្ឋមន្រ្តីការបរទេសជប៉ុន ដែលត្រូវបានគេបញ្ជូនទៅកាន់ទីក្រុងអាម៉ង់ ប្រទេសហ្សកដានី ដើម្បីធ្វើការដោះស្រាយវិបត្តិនោះនិយាយថា «យើងទាំងអស់គ្នា មានគោលដៅមួយមិនផ្លាស់ប្ដូរ ហើយយើងនឹងមិនបោះបង់ចោលជាដាច់ខាតរហូតដល់ទីបញ្ចប់។ ហើយជាមួយនិងជំនឿនេះ យើងនឹងព្យាយាមធ្វើឲ្យអស់ពីសមត្ថភាពរបស់យើង ដើម្បីសម្រេចគោលដៅនោះ។
ត្រឡប់មកទីក្រុងតូក្យូវិញ អ្នកនាំពាក្យរដ្ឋាភិបាលលោក យ៉ូ ស៊ីហ៊ីដ ស៊ូហ្កា( Yosshihide Suga) បាននិយាយប្រាប់អ្នកយកព័ត៌មានថា រដ្ឋាភិបាលនៅតែកំពុងវិភាគវីដេអូមួយផ្សាយតាមអនឡាញ ដែលមានគោលបំណងបង្ហាញចំណាប់ខ្មាំងម្នាក់ក្នុងចំណោម ចំណាប់ខ្មាំងពីរនាក់ លោក ហារូណេ យូកាវ៉ា (Haruna Yukawa) ដែលត្រូវបានគេសម្លាប់នោះ។
រដ្ឋាភិបាលកំពុងស្ថិតនៅក្នុងវិបត្តិ ចាប់តាំងពីក្រុមរដ្ឋឥស្លាម បាននិយាយនៅក្នុងវីដេអូមានអនឡាញមួយនៅថ្ងៃទី២០ ខែមករា ថា ខ្លួនបានចាប់ជនជាតិជប៉ុនពីរនាក់ ធ្វើចំណាប់ខ្មាំង ហើយនឹងសម្លាប់ពួកគេនៅក្នុងរយៈពេល៧២ម៉ោង ប្រសិនបើរដ្ឋាភិបាលជប៉ុនមិនចង់បង់ប្រាក់២០០លានដុល្លារនោះ៕
0 Comments