ពួកមន្ត្រីនិយាយថា ប៉ូលិសកុម្ម៉ង់ដូជាង៣០នាក់ ត្រូវបានគេសម្លាប់នៅក្នុងការប៉ះទង្គិចគ្នាជាមួយពួកឧទ្ទាមមូស្លីមនៅថ្ងៃអាទិត្យ នៅភាគខាងត្បូងប្រទេសហ្វីលីពីន ដែលជាការបាត់បង់ជីវិតដ៏ធំបំផុតក្នុងការប្រយុទ្ធតែមួយថ្ងៃសម្រាប់កងកម្លាំងហ្វីលីពីននៅក្នុងប៉ុន្មានឆ្នាំថ្មីៗនេះ។
សេចក្ដីរាយការណ៍បឋមរបស់ប៉ូលិស ត្រូវបានមើលឃើញដោយAssociated Press និយាយថា ប៉ូលិសកុម្ម៉ង់ដូយ៉ាងតិច៣៧នាក់ស្លាប់នៅក្នុងការប្រយុទ្ធគ្នា ដោយឡែកពួកឧទ្ទាម៦នាក់ ត្រូវបានគេសម្លាប់ និង១១នាក់ទៀតត្រូវរបួស។
រណសិរ្សរំដោះឥស្លាមម៉ូរ៉ូដែលមានកម្លាំង១១.០០០នាក់ បានចុះហត្ថលេខាលើកិច្ចព្រមព្រៀងសន្តិភាពមួយជាមួយរដ្ឋាភិបាលកាលពីឆ្នាំមុន និងបានបង្កើតបទឈប់បាញ់បរទេសដឹកនាំដោយប្រទេសម៉ាឡេស៊ី។ កិច្ចព្រមព្រៀងនោះបានបញ្ឈប់ជម្លោះដ៏ធំរវាងភាគីទាំងពីរអស់រយៈពេលជាច្រើនឆ្នាំ។ ចៅហ្វាយក្រុងលោក អាំប៉ា ទូអាន(AmPatuan) និយាយថា ការប្រយុទ្ធគ្នានៅក្នុងភូមិដែលមានចំការពោត និងចំការដូងបានស្ងប់ជាច្រើនម៉ោងក្រោយមកនៅពេលពួកសមាជិករបស់គណៈកម្មាធិការបទឈប់បាញ់ និងពួកអ្នកត្រួតពិនិត្យបទឈប់បាញ់បរទេសបានធ្វើអន្តរាគមន៍៕
រឹទ្ធ
0 Comments