នៅក្នុងទស្សនកិច្ចកំរិតខ្ពស់ដ៏កម្រមួយមកកាន់ប្រទេស ដែលមានប្រជាជនច្រើនបំផុតរបស់អាហ្វ្រិកនេះរដ្ឋមន្រ្តីការបរទេសសហរដ្ឋអាមេរិកលោកចន ឃែរី (John Kerry) នៅថ្ងៃអាទិត្យ បានទទូចដល់បេក្ខជនប្រធានាធិបតីនាំមុខរបស់ប្រទេសនីហ្សេរីយ៉ាឲ្យអត់ធ្មត់ កុំឲ្យបង្កើតអំពើហិង្សា ក្រោយពីការបោះឆ្នោតនៅខែក្រោយ។
នៅថ្ងៃមួយនៅពេលនោះកងទ័ពនីហ្សេរីយ៉ា បានប្រយុទ្ធប្រឆាំងនឹងពួកជ្រុលនិយម ដែលបានវាយប្រហារទីក្រុងម៉ៃឌូហ្កូរី ដែលជាទីក្រុងធំបំផុតនៅភាគឦសាននោះ លោកឃែរីបានព្យាយាមសម្រាលការរាយការណ៍ ដែលថា សហរដ្ឋអាមេរិកមានការរសាយចិត្តជាមួយការសន្យាយោធារបស់នីហ្សេរីយ៉ាថា នឹងប្រយុទ្ធប្រឆាំងនឹងចលនាឥស្លាមនិយមរ៉ាកាល់នោះ។
លោកឃែរីនិយាយថា សហរដ្ឋអាមេរិកកំពុងចែករំលែកព័ត៌មានចារកម្មជាមួយប្រទេសនីហ្សេរីយ៉ា ហើយបានត្រៀមខ្លួនធ្វើថែមទៀត ប្រសិនបើការបោះឆ្នោតថ្ងៃទី១៤ ខែ កុម្ភៈ ដំណើរការនៅក្នុងលក្ខណៈប្រជាធិបតេយ្យ និងគ្មានហិង្សានោះ។
ប្រធានាធិបតីនីហ្សេរីយ៉ាលោកហ្កត់ ឡាក់ចូណាថាន់( Good Luck Jonathan) និយាយថា លោកបានបញ្ជាក់អះអាងសាជាថ្មីពីការតាំងចិត្តខ្លាំងក្លាមួយ សហការជាមួយសហរដ្ឋអាមេរិក ដើម្បីបញ្ចប់អំពីភេរវកម្មសាកល ជាពិសេសក្រុមបូកូហារ៉ាម៕
0 Comments