ពួកខ្មាន់កាំភ្លើងបានសម្រុកចូលទៅក្នុងសណ្ឋាគារទ្រីប៉ូលីដ៏ប្រណិតមួយ ដែលពូកអ្នកការទូត និងមន្ត្រីចូលចិត្តស្នាក់នៅ នៅថ្ងៃអង្គារនៅក្នុងការវាយប្រហារមួយ ដែលបានអះអាងដោយក្រុមរដ្ឋឥស្លាម ដោយបានសម្លាប់មនុស្សយ៉ាងតិច៩នាក់ ដែលក្នុងនោះមានជនបរទេស៥នាក់ មុននឹងបំផ្ទុះសម្លាប់ខ្លួនឯង។
ការវាយប្រហារទៅលើគោលដៅ ដែលមានកំរិតខ្ពស់បែបនេះ បានបង្ហាញឲ្យឃើញស្ថានភាពសន្តិសុខផុយស្រួយនៅក្នុងរដ្ឋធានីលីប៊ី ដែលត្រូវបានប្រគល់ដោយពួកជីវពលចងសម្ព័ន្ធមិត្តជាមួយរដ្ឋាភិបាលមួយ ក្នុងចំណោមរដ្ឋាភិបាលពីរ ដែលកំពុងអះអាងពីការគ្រប់គ្រងប្រទេសនោះ។
ហើយប្រសិនបើត្រូវបានគេបញ្ជាក់អះអាងថា ធ្វើដោយពួកសកម្មប្រយុទ្ធរដ្ឋឥស្លាមនោះ វានឹងបង្ហាញឲ្យឃើញការកើនឡើងរបស់ក្រុមជ្រុលនិយមជាមួយនឹងមហិច្ឆតា ដើម្បីពង្រីកឥទ្ធិពល
របស់ខ្លួននៅទូទាំងមជ្ឈិមបូព៌ា និងអាហ្រ្វិកខាងជើង។
អ្នកនាំពាក្យទីភ្នាក់ងារសន្តិសុខម្នាក់ លោក អ៊ី សាមអាល់ណាស់ បាននិយាយប្រាប់ AFPថា ក្រោយពីបំផ្ទុះគ្រាប់បែករថយន្តនៅខាងក្រៅសណ្ឋាគារ Covimthia ដ៏ប្រណិតជាកន្លែងដែលពួកមេដឹកនាំកំពុងធ្វើទស្សនកិច្ចជួបអ្នកមុខអ្នកការក្នុងស្រុកកន្លងមកនោះ សកម្មប្រយុទ្ធ៣នាក់ បានសម្រុកចូលទៅខាងក្នុង និងធ្វើការបាញ់រះ។
លោកណាស់និយាយថា ប្រមុខរដ្ឋាភិបាលដែលប្រកាសខ្លួនឯងរបស់ប្រទេសលីប៊ីលោក អូម៉ាអាល់ហាស៊ី ( Omar al Hassi) ស្ថិតនៅក្នុងសណ្ឋាគារនោះនៅពេលនោះ ប៉ុន្តែត្រូវបានគេជម្លៀសដោយសុវត្ថិភាព៕
0 Comments