ភ្នំពេញ ៖ យោងតាមរបាយការណ៍ពីនាយកសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី២៩ ខែមករា ឆ្នាំ២០១៥នេះ មានករណីគ្រោះថ្នាក់ចរាចរណ៍នៅទូទាំងប្រទេសចំនួន១៧លើក ក្នុងនោះយប់០៩លើក, បណ្ដាលឲ្យមនុស្សស្លាប់ចំនួន០៦នាក់ (ប្រុស) របួសធ្ងន់២២នាក់(ស្រី០៣នាក់),និងរបួសស្រាល០៨នាក់(ស្រី០១នាក់)។
នៅក្នុងហេតុការណ៍គ្រោះថ្នាក់ចរាចរណ៍ទាំង១៧លើកនេះ បានបង្កឲ្យមានការខូចខាតយានយន្តសរុប២៨គ្រឿង ក្នុងនោះមានម៉ូតូចំនួន១៧គ្រឿង,រថយន្តធុនតូចចំនួន០៧គ្រឿង,រថយន្តធុនធំ០២គ្រឿង,យានផ្សេងៗ០២គ្រឿង និងថ្មើរជើង០៨នាក់។
របាយការណ៍ខាងលើប្រាប់បន្តថា មូលហេតុដែលបណ្ដាលឲ្យកើតមានករណីគ្រោះថ្នាក់ចរាចរណ៍ គឺបណ្ដាលមកពីល្មើសល្បឿន០៩លើក, ប្រជែងគ្រោះថ្នាក់០២លើក,ស្រវឹង០១លើក,មិនប្រកាន់ស្តាំ០២លើក,បត់គ្រោះថ្នាក់០១លើក និងមនុស្សឆ្លងផ្លូវ០២លើក។ ក្នុងនោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន២០នាក់(យប់១៤នាក់)។
ប្រភពព័ត៌មានពីនាយកសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់បន្តទៀតថា រថយន្តពិន័យសរុបចំនួន៦៨៩គ្រឿង(រថយន្តធំ១៧៥គ្រឿង)ស្មើនិង៦៩៤ករណី ,ករណីល្មើក្រដាសស្នាម៤៧៣គ្រឿង ស្មើនិង៤៧៨ករណី រួមមាន ប័ណ្ណបើកបរហួសសុពលភាព៣១ករណី,ប័ណ្ណបើកបរខុសប្រភេទយានយន្ត០១ករណី,គ្មានប័ណ្ណអាជីវកម្ម២១ករណី,គ្មានឆៀក៦១ករណី,ឆៀកហួសសុពលភាព០៦ករណី,បើកបរហួសល្បឿនកំណត់១១៤ករណី,បើកបរមិនពាក់ខ្សែក្រវាត់២៤០ករណី,ករណីល្មើសបច្ចេកទេសមាន២១៦គ្រឿង ស្មើនិង២១៦ករណីរួមមាន ដឹកសំពីងសំពោង១៩១រណី,ដឹកលើសចំណុះ២៤ករណី,ផ្លាកលេខខូច ឬបាត់១ករណី។
ដោយឡែកម៉ូតូ ត្រូវបានពិន័យសរុបចំនួន១៧៩១គ្រឿង ក្នុងនោះមាន ជិះម៉ូតូអត់ពាក់មួក១០៣៩គ្រឿង,ជិះម៉ូតូអត់កញ្ចក់៦៩៨គ្រឿង,ជិះម៉ូតូអត់កញ្ចក់ និងមួក០៥គ្រឿង, ម៉ូតូល្មើសសញ្ញាចរាចរណ៍០២គ្រឿង,ម៉ូតូបើកភ្លើងពេលថ្ងៃ៣៧គ្រឿង,បើកបរមានជាតិស្រវឹង០២គ្រឿង,ដឹកលើសចំណុះ០៥ករណី,និងផ្លាកលេខបាក់ឬខូច០៣ករណី៕
រ៉ាវុទ្ធ
0 Comments