ទីភ្នាក់ងារសារព័ត៌មាន Interfax បានរាយការណ៍ថា បេសកជនរបស់ប្រទេសរុស្ស៊ីប្រចាំក្នុងក្រុមឃ្លាំមើលសន្តិសុខអឺរ៉ុប OSCE បានអំពាវនាវដល់សហរដ្ឋអាមេរិកនិងអឺរ៉ុបនៅថ្ងៃព្រហស្បតិ៍ឲ្យឈប់គាំទ្រ "ភាគីសង្គ្រាមនៅក្នុងប្រទេសអ៊ុយក្រែន និងព្រមានថា អាចបណ្ដាលឲ្យមានមហន្តរាយ។
បេសកជនរុស្ស៊ីប្រចាំ OSCE លោកអង់ដ្រេខេលីន (Andrei Kelin) និយាយថា "ខ្ញុំសូមអំពាវនាវដល់សហរដ្ឋអាមេរិកដែលមានឥទ្ធិពលលើថ្នាក់ដឹកនាំរបស់ក្រុងគៀវ ជាពិសេសចំពោះក្រុងវ៉ាស៊ីងតោន។ វាគឺជាពេលដែលត្រូវឈប់បណ្តោយឲ្យភាគីសង្គ្រាមរបស់អ៊ុយក្រែនធ្វើតាមអំពើចិត្តទៅទៀត"។
ប្រទេសរុស្ស៊ី បានបន្ទោសសហរដ្ឋអាមេរិកនិងអង្គការណាតូចំពោះការផ្ទុះអំពើហិង្សានៅភាគខាងកើតអ៊ុយក្រែន។ លោកខាងលិចចោទប្រកាន់ក្រុងមូស្គូថា បានផ្តល់អាវុធ និងទាហានដល់ពួកឧទ្ទាមស្និទ្ធរុស្ស៊ី។
ប្រធានាធិបតីរុស្ស៊ី លោក វ្ល៉ាឌីមៀរពូទីន (Putin) បាននិយាយនៅក្នុងសប្ដាហ៍នេះថា កងទ័ពអ៊ុយក្រែនខ្លួនឯងគឺជាក្រុមប្រយុទ្ធរបស់អង្គការណាតូ ដែលត្រូវគេបញ្ជូនឲ្យទប់ទល់នឹងប្រទេសរុស្ស៊ីតាមលក្ខណៈនយោបាយភូមិសាស្ត្រ។
លោកខេលីននិយាយថា "វាដល់ពេលដែលត្រូវឈប់ការពារទង្វើមនុស្សធម៌របស់ក្រុងគៀវ គេមិនអាចទទួលយកបានទេក្នុងការជំរុញពួកគេឲ្យបន្តសង្គ្រាមនៅភាគខាងកើតអ៊ុយក្រែននោះ៕
រឹទ្ធ
0 Comments