បន្ទាយមានជ័យ ៖ អ្នកសារព័ត៌មានម្នាក់ និងបក្ខពួក២នាក់ទៀតដែលត្រូវនគរបាលស្រុកមង្គលបូរីឃាត់ខ្លួនក្នុងការចែកចាយគ្រឿងញៀនជាង១០០គ្រាប់ កាលពីកន្លងទៅត្រូវបានតុលាការសម្រេចឃុំខ្លួននៅពន្ធនាគារខេត្តបន្ទាយមានជ័យ ហើយនៅព្រឹកមិញ។
ក្រឡាបញ្ជីនៃព្រះរាជអាជ្ញាអមសាលាដំបូងខេត្តបន្ទាយមានជ័យបានឲ្យដឹងថា ជនសង្ស័យជួញដូរ និងចែកចាយគ្រឿងញៀន៣នាក់ខាងលើ ត្រូវតុលាការសម្រេចឃុំខ្លួនបណ្ដោះអាសន្នបន្ទាប់ពីប៉ូលិសប្រឆាំងបទល្មើសគ្រឿងញៀននៃស្នងការនគរបាលខេត្តបន្ទាយមានជ័យ បញ្ជូនមកកាន់តុលាការកាលពីរសៀលថ្ងៃទី១៩ ខែតុលា ឆ្នាំ២០១៥ហើយការឃុំខ្លួននេះដែរធ្វើឡើងក្រោយពេលចាប់ខ្លួននៅកន្លែងផ្សេងគ្នា កំពុងចែកចាយគ្រឿងញៀនក្នុងភូមិសាស្ត្រស្រុកមង្គលបូរី។ ជនសង្ស័យនេះរួមមាន.ឈ្មោះ មុយ សារ៉េត ភេទប្រុស អាយុ៣០ឆ្នាំ ជាមេខ្លោងមានកាតសម្គាល់ខ្លួនជាអ្នកសារព័ត៌មានគេហទំព័រអប្សរាបានប្រើប្រាស់រថយន្តចង្កូតស្តាំមួយគ្រឿងពាក់ស្លាក់លេខសៀមរាប 2A2973ដោយមានបង្កប់គ្រឿងញៀនចំនួន១០០គ្រាប់។ ឯពីនាក់ទៀតជាអ្នកចែកចាយចំនួន១០គ្រាប់តាមម៉ូតូមានឈ្មោះ ភូ វ័ន្ដ ភេទប្រុស អាយុ១៥ឆ្នាំ និងឈ្មោះ អ៊ុន ថន ភេទប្រុស អាយុ២៨ឆ្នាំ។
ទាក់ទងនឹងបញ្ហានេះដែរជនសង្ស័យទាំង៣នាក់នឹងត្រូវតុលាការបើកសវនាការនៅពេលក្រោយ៕
តុលាការសម្រេចឃុំខ្លួនអ្នកសារព័ត៌មានម្នាក់រឿងជួញដូរគ្រឿងញៀន
0 Comments