ភ្នំពេញ ៖ ស្ត្រីម្នាក់បានឆ្លងទន្លេក្នុងបង្គន់ក្នុងបន្ទប់ទឹកបានកូនស្រីមួយ ខណៈចូលបត់ជើងក្នុងបង្គន់ក្នុងបន្ទប់ទឹក ហើយក៏ស្រែកឱ្យគេជួយ រួចត្រូវអ្នកជិតខាងជួយហៅគ្រូពេទ្យឆ្មបមកជួយសម្អាតម្តាយនិងកូនដើម្បីចាក់ថ្នាំ ហើយម្តាយអះអាងថា អត់ដឹងមានកូន។
ហេតុការណ៍នេះបង្កឱ្យមានការភ្ញាក់ផ្អើលឡើងកាលពីវេលាម៉ោង១០និង១០ព្រឹក ថ្ងៃទី២៦ ខែមករា ឆ្នាំ២០១៥ នៅចំណុចផ្ទះជួល ភូមិសង្កាត់គីឡូម៉ែត្រលេខ៦ ខណ្ឌឫស្សីកែវ។ បើតាមគ្រូពេទ្យនៃគ្លីនចហ្សាកាលីនបានបញ្ជាក់ថា ទាំងម្តាយនិងកូនស្រី ក្រោយពេលសម្រាលនៅក្នុងបន្ទប់ទឹកហើយបានហៅគ្រូពេទ្យសង្គ្រោះ និងសម្អាត គឺមានសុខភាពធម្មតា ប៉ុន្តែទារិកាអភព្វដែលកើតនៅក្នុងបង្គន់ក្នុងបន្ទប់ទឹកនោះ មានទម្ងន់តែជាង២គីឡូក្រាមតែប៉ុណ្ណោះ។ គ្រូពេទ្យនិយាយថា យើងនៅតាមដានទារិកានោះបន្តទៀត ព្រោះវាអាចកើតមិនគ្រប់ខែទេ៕ ឌីរៀ
0 Comments