រដ្ឋាភិបាលហ្សកដានីកំពុងស្វែងរកភស្តុតាងរបស់អាកាសយានិកមួយរូប ដែលត្រូវក្រុមរដ្ឋឥស្លាមចាប់ធ្វើជាឈ្លើយថា នៅរស់នៅឡើយនោះ ធ្វើជាកិច្ចប្រឹងប្រែងបន្តដើម្បីចរចាពីការប្ដូរអ្នកទោសនោះ។
គ្រួសាររបស់វរសេនីយ៍ទោ លោក មូអាអាល់-កាសាស់បេ (Mooz Kasasbeh) និយាយថា ប្រភពព័ត៌មានទាំងឡាយបានអះអាងចំពោះពួកគេថា លោកនៅរស់ភ្លាមៗមុនកាលកំណត់ថ្មីរបស់រដ្ឋឥស្លាមសម្រាប់ការប្ដូរអ្នកទោសនោះ។
ប្រទេសហ្សកដានីត្រៀមខ្លួនប្ដូរអ្នកទោសអាល់កៃដាអ៊ីរ៉ាក់ ជាមួយនឹងអាកាសយានិករបស់ខ្លួន។ ក៏ប៉ុន្តែរដ្ឋឥស្លាមគ្រាន់តែសុខចិត្តដោះលែងចំណាប់ខ្មាំងជប៉ុនម្នាក់ជាថ្នូរប៉ុណ្ណោះ ដោយឡែកទុកជីវិតរបស់អាកាសយានិកនោះ។
ប្រពន្ធចំណាប់ខ្មាំងជប៉ុនលោក កេនជិហ្កោតូ ឈ្មោះ រិនកូ(Rinko) បានបញ្ជាក់អះអាងចំពោះBBCថា រដ្ឋឥស្លាមសុខចិត្តដោះលែងលោកហ្កោតូ ជាថ្នូរទៅនឹងការដោះលែងសមាជិកអាល់កៃដាអ៊ីរ៉ាក់ នាងសាជីដាអាល់-រិសាវី(Sajida al-Risha wi)។
ប្រពន្ធរបស់លោកហ្កោតូ លោកស្រី រិនកូ និយាយថា លោកស្រីបានទទួលអ៊ីមែលដូចគ្នាចុងក្រោយបង្អស់មួយពីក្រុមរដ្ឋឥស្លាម៕
រឹទ្ធ
0 Comments