បាត់ដំបង ៖ អ្នកទោសស្នេហាដ៏វ័យក្មេងម្នាក់ត្រូវបានភាគីខាងស្រីប្ដឹងចោទប្រកាន់ពីបទចាប់រំលោភ
រហូតដល់សម្រេចចំនួន២ដង បន្ទាប់នារីរូបនេះពឹងពាក់ឲ្យគេជូនទៅញាំបង្អែម ហើយឲ្យជួយរកកន្លែងសម្រាកតាមផ្លូវកាលពីថ្ងៃទី២៣ ខែមករា ឆ្នាំ២០១៥ វេលាម៉ោង១១និង៣០នាទីយប់ ត្រង់ចំណុចផ្លូវថ្មី ស្ថិតក្នុងភូមិស្រែស្ដៅ ឃុំមានជ័យ ស្រុកសំឡូត ខេត្តបាត់ដំបង ហើយក៏បានរួមភេទជាមួយគ្នានៅទីនោះតែម្តង។
យោងតាមពាក្យបណ្ដឹងរបស់នារីរងគ្រោះដែលមានឈ្មោះ ស ហ អាយុ១៧ឆ្នាំ រស់នៅភូមិ
កំចាត់ ឃុំមានជ័យបានបញ្ជាក់ប្រាប់សមត្ថកិច្ចថា នៅប្រហែលជាម៉ោង៨យប់ នាថ្ងៃកើតហេតុគឺមាន
យុវជនម្នាក់ដែលមានមុខរបរជាអ្នកដឹកទឹកលក់ក្នុងភូមិស្រែស្ដៅ និងភូមិកំចាត់ បានទូរស័ព្ទមកបបួលនាងថាទៅញាំបង្អែមនៅផ្សារភ្ជាវ ដែលមានចំងាយរាប់គីឡូម៉ែត្រពីភូមិ នៅពេលនោះដែរនាងក៏បានយល់ព្រមទៅជាមួយ ដោយធ្វើដំណើរតាមម៉ូតូរបស់យុវជននោះ។ ពេលទៅដល់ផ្សារភ្ជាវប្រហែលជាម៉ោង៩និង៣០នាទីយប់មិនបានញាំបង្អែមទេ នាងក៏ឲ្យគេជូនត្រឡប់ទៅផ្ទះវិញ ប៉ុន្តែពេលមកដល់ផ្លូវថ្មីក្នុងភូមិស្រែស្ដៅ ស្រាប់តែគេបានបត់ម៉ូតូចូលទៅប្រហែល៣គីឡូម៉ែត្រ រួចក៏ឈប់នៅក្រោមដើមឈើមួយក្នុងចំការស្ងាត់ ថែមទាំងបានចាប់ខ្លួនអោប ថើប និងយកដៃខ្ទប់មាត់ចាប់សម្រាតខោអាវ រួចក៏បង្ខំរួមភេទជាមួយនាងរហូតបានសម្រេចចំនួន២ដងថែមទៀតផង ទើបជូននាងត្រឡប់ទៅផ្ទះវិញប្រហែលជាម៉ោងរំលងអធ្រាត្រ។
ពាក្យចោទប្រកាន់ខាងលើនេះត្រូវបានជនសង្ស័យឈ្មោះ មុត សៅឌី ភេទប្រុស អាយុ២១ឆ្នាំរស់នៅភូមិកំចាត់ ឃុំមានជ័យបានធ្វើការបដិសេធ ព្រមទាំងបានអះអាងថា កាលពីម៉ោង៥ល្ងាច គឺមាននារីម្នាក់ដែលខ្លួនមិនស្គាល់បានទូរស័ព្ទមកសួរថាកំពុងធ្វើអ្វី ខ្លួនក៏បានប្រាប់ថា កំពុងហូបសាច់ឆ្កែ រួចនាងក៏បានណាត់ថាយប់បន្តិចឲ្យខ្លួនជូននាងទៅញំាបង្អែមនៅផ្សារភ្ជាវ។ តែពេលទៅដល់គឺបានត្រឹមតែទិញទឹកសុទ្ធ ទឹកផ្លែឈើ និងណែមបន្តិចបន្តួចតែប៉ុណ្ណោះ ក៏បានវិលត្រឡប់មកវិញ ប៉ុន្តែពេលទៅជិតដល់ភូមិនាងបានប្រាប់ថាមិនទាន់ហ៊ានចូលផ្ទះទេ ខ្លាចម៉ែចាំជិតភ្លឺចាំចូលផ្ទះ ទើបខ្លួនបានបត់ម៉ូតូចូលទៅក្នុងផ្លូវថ្មីនោះតែម្តង ដោយឈប់សម្រាកនៅក្រោមដើមឈើក្នុងចំការដំឡូង។
អ្នកទោសស្នេហារូបនេះបានសង្កត់ធ្ងន់ថា ពេលដែលខ្លួនកំពុងអង្គុយលេងគឺនាងបានមកដេកកើយលើភ្លៅរបស់ខ្លួនឃើញដូច្នេះខ្លួនបានសុំនាងថើប និងរាវទៅលើដើមទ្រូង ហើយក៏សុំរួមភេទជាមួយនាងដោយធ្វើការដោះខោអាវរបស់នាងចេញទាំងអស់ទើបខ្លួនទាញយកស្រោមអនាម័យដែលធ្លាប់ដាក់តាមជាប់នឹងខ្លួនមកពាក់លើប្រដាប់ភេទ ហើយក៏រួមរ័កជាមួយនាងរហូតបានសម្រេច។ លុះនៅប្រហែលជាម៉ោង១និង៣០នាទី ស្រាប់តែខ្លួនត្រូវប៉ូលិសឃាត់ខ្លួនដោយសារតែនាងជាអ្នកប្ដឹងពីបទចាប់រំលោភទៅវិញ វាគឺជារឿងដ៏អយុត្តិធម៌ជាទីបំផុតសម្រាប់រូបគេ ព្រោះរឿងនេះវាជាការព្រមព្រៀងគ្នាដោយគ្មានការបង្ខិតបង្ខំណាមួយទាល់តែសោះ បែរជាក្រឡាប់ចាក់បែបនេះទៅវិញ។ បើទោះបីជាយ៉ាងនេះក្តី ដោយសារតែមានការប្ដឹងចោទប្រកាន់របស់នារីរងគ្រោះដូច្នេះ
បច្ចុប្បន្នសមត្ថកិច្ចបានរៀបចំសំណុំរឿដើម្បីបញ្ជូនខ្លួនជនសង្ស័យទៅកាន់សាលាដំបូង៕
សោ និយមរ័ត្ន
0 Comments