កណ្ដាល ៖ មន្ត្រីចម្រុះខណ្ឌដង្កោចុះពិនិត្យពន្ធយានយន្តជាមួយមន្ត្រីពន្ធដារគ្រប់ផ្លូវជាតិធំៗជារៀងរាល់ថ្ងៃ ដើម្បីរឹតបន្តឹងច្បាប់។ លោក កេង ថា នាយករងរដ្ឋបាលខណ្ឌដង្កោបានប្រាប់ឲ្យដឹងថា លោកបានដឹកនាំកម្លាំងចម្រុះមានមន្ត្រីប៉ូលិស មន្ត្រីកងរាជអាវុធហត្ថខណ្ឌ ដែលជាជាការស្នើសុំរបស់មន្ត្រីពន្ធដារជាច្រើននាក់ចុះធ្វើការត្រួតពិនិត្យរថយន្តគ្រប់ប្រភេទដែលមិនបានបង់ពន្ធផ្លូវ និងការផាកពិន័យទ្វេគុណដោយមិនមានមនោសញ្ចេតនាយោគយល់ឡើយ គឺធ្វើទៅតាមផ្លូវច្បាប់។
លោកនាយករដ្ឋបាលខណ្ឌបានបន្តទៀតថា កម្លាំងចម្រុះរបស់ខណ្ឌគ្រាន់តែដាក់កម្លាំងឃាត់រថយន្តតែប៉ុណ្ណោះ គឺមិនមានសិទ្ធផាកពិន័យនោះទេ នៅលើមន្ត្រីពន្ធដារជាអ្នកសម្រេចទៅតាមជំនាញរបស់ពួកគាត់។ ដោយឡែកខាងមន្ត្រីពន្ធដារវិញ អ្នកយកព័ត៌មានយើងមិនអាចទំនាក់ទំនងសួរព័ត៌មានឡើយ ក្រុមមន្ត្រីពន្ធដារទាំងនោះគ្រាន់តែនិយាយថា ទាល់តែមានការអនុញ្ញាតិពីមេៗថ្នាក់លើ ទើបអាចឆ្លើយបាន។ ហាក់បីដូចជាមានអាថ៌កំបាំងលាក់លៀមអ្វីមួយអញ្ចឹង។
ចំពោះអ្នកបើកបររថយន្តបានប្រាប់ឲ្យដឹងថា រថយន្តដែលមិនបានបង់ពន្ធផ្លូវប្រចាំឆ្នាំត្រូវមន្ត្រីពន្ធដារផាកពិន័យលើសតម្លៃពន្ធទ្វេគុណជាពីរក្នុងរថយន្ត១គ្រឿង។ ក្រុមអ្នកបើកបរបានបន្តថា ពួកគាត់នឹងសង្ឃឹមថាក្រុមមន្ត្រីពន្ធដារដាក់កម្លាំងត្រួតពិនិត្យរថយន្តនៅក្នុងទឹកដីខណ្ឌដង្កោរាជធានីភ្នំពេញធ្វើការផាកពិន័យសុក្រឹតយុត្តិធម៌ទៅតាមផ្លូវច្បាប់ដើម្បីចូលថវិការដ្ឋ សូមបញ្ចៀសនូវពាក្យរិះគន់អំពីមហាជនថា ធ្វើការលំអៀងនិយមបក្ខពួកដូចពាក្យចាស់ថា របៀបទន្សោងតោព្រៃ តូចស៊ីតូច ធំស៊ីធំ ដើម្បីស្អាតស្អំ យកស្នាដៃកេរ្តិ៍ឈ្មោះទៅថ្ងៃអនាគត៕
ភាវុន
0 Comments