ប្រទេសថៃ ៖ កិច្ចសំណេះសំណាលស្ដីពីការផ្សារភ្ជាប់ចំណងសាមគ្គីអ្នកសារព័ត៌មានអាស៊ានដើម្បីចែករំលែកបទពិសោធន៍ ដែលមានការចូលរួមពីសំណាក់អ្នកសារព័ត៌មានថៃ-កម្ពុជា-ឡាវ នៅទីស្នាក់ការភូមិភាគ២ ដែលបានបានផ្សាយគ្របដណ្ដប់៩ខេត្តនៅភូមិភាគឥសាន ដែលយល់ឃើញថាអ្នកសារព័ត៌មានមានសារៈសំខាន់ និងបានដើរតួនាទីដ៏មានប្រយោជន៍ជួយដល់សង្គមនៃប្រទេសនីមួយៗ ក្នុងការពាំនាំនូវសារៈសំខាន់មានប្រយោជន៍ដល់ប្រជាពលរដ្ឋ។
គោលបំណងសំខាន់ក្នុងកិច្ចជំនួបអ្នកសារព័ត៌មានប្រទេសជិតខាងនៃគ្រុបអាស៊ាននេះ គឺជាការចែករំលែកនូវបទពិសោធន៍ បច្ចេកទេសប្រព័ន្ធវិទ្យាសម័យទំនើប ដូចជាទូរទូរទស្សន៍ វិទ្យុ ព្រមទាំងបានឲ្យអ្នកសារព័ត៌មានបានយល់ដឹងកាន់តែច្បាស់នូវតួនាទីដ៏មានសារៈសំខាន់របស់អ្នកសារព័ត៌មានដែលមានភាពសច្ចធម៌ គុណធម៌ វិជ្ជាជីវៈត្រឹមត្រូវ ផ្សព្វផ្សាយពីសកម្មភាពក្នុងប្រទេសនូវវប្បធម៌ និងការរស់នៅក្នុងសង្គមពីរដ្ឋនិងឯកជនឲ្យប្រជាពលរដ្ឋបានយល់កាន់តែច្បាស់ពីសកម្មភាពរាជរដ្ឋាភិបាល។ នៅក្នុងពិធីសំណេះសំណាល ត្រូវបានលើកយកវិធានបទមួយពាក់ព័ន្ធទៅនឹង ជីវភាពរស់នៅដ៏សំខាន់របស់ប្រជាពលរដ្ឋ រវាងប្រទេសជិតខាងដែលមាន ព្រំប្រទល់ជាប់ព្រំដែន ក៏ដូចជាប្រជាពលរដ្ឋរស់នៅក្នុងមូលដ្ឋានបានដឹងពីគោលជំហររបស់រាជរដ្ឋាភិបាលប្រទេសនៃអាស៊ានដើម្បីរួមគ្នាអភិវឌ្ឍន៍មូលដ្ឋាននិងការរស់នៅត្រូវ ដោយសេដ្ឋកិច្ចគ្រួសារ ជាពិសេសនោះគឺជាផ្សព្វផ្សាយគឺសំដៅទៅលើវិធានការជួយគ្នាទប់ស្កាត់រាល់អំពើអសន្តិសុខ ក៏ដូចជាជំងឺឆ្លង និងការចែករំលែកក្នុងបច្ចេកទេសដំណាំកសិកម្ម ដើម្បីគាំទ្រនូវទីផ្សារនៅតាមបន្ទាត់ព្រំដែន។
លោកស្រី រ័ជវ័ន្ត សឺបយ៉ែម ប្រធានមណ្ឌលព័ត៌មានភូមិភាគ២បានកោតសរសើរចំពោះកិច្ចសហការរវាងប្រទេសកម្ពុជា និងប្រទេសថៃ ដែលបានរៀបចំឲ្យមានកិច្ចជំនួបនៃអ្នកសារព័ត៌មានអាស៊ាន ដើម្បីរួមគ្នា គិតរួមគ្នា ធ្វើរួមគ្នាពន្លត់អសន្តិសុខ ដោយសារតែជាប្រទេសដែលមានភូមិផងរបងតែមួយ និងសូមឲ្យអ្នកសារព័ត៌មាននៃប្រទេសទាំងពីរ ដើរតួរសំខាន់ក្នុងពេលដែលប្រទេសជាសមាជិកអាស៊ាន ហើយនឹងចាត់ឲ្យមានការការជួបពិភាក្សារវាងអ្នកសារព័ត៌មានឲ្យបានញឹកញាប់ដើម្បីឲ្យមានភាពជិតស្និទ្ធគ្នាកាន់តែប្រសើរឡើង៕
ប៊ុន រដ្ឋា
0 Comments