ភ្នំពេញ ៖ តាមរបាយការណ៍ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិបានឲ្យដឹង ថា នៅថ្ងៃទី០១ខែមករា ឆ្នាំ២០១៥ដែលជាថ្ងៃបុណ្យចូលឆ្នាំសកល គ្រោះថ្នាក់ចរាចរណ៍បាន កើតឡើងសរុបចំនួន ១៩លើកបណ្តាលឲ្យមនុស្សស្លាប់០៨នាក់និងរងរបួសចំនួន២៤នាក់។
ចំនួននេះបើប្រៀបធៀបនឹងឆ្នាំ២០១៣កន្លងទៅឃើញថាមានការ ថយចុះ ០១លើក១៩លើ២០ មនុស្សស្លាប់ស្មើគ្នាគឺ ០៨នាក់លើ០៨នាក់, រងរបួសសរុប ២៤នាក់លើ៥១នាក់ ថយចុះ ២៧នាក់, របួសធ្ងន់ ១៤នាក់ លើ២៤នាក់ ថយចុះ ១០នាក់, របួសស្រាល ១០នាក់ លើ ២៧នាក់ ថយចុះ ១៧នាក់ ។ ក្នុងនោះបណ្តាលឲ្យខូចខាតម៉ូតូចំនួន ២១គ្រឿង លើ២២គ្រឿង ថយចុះ ០១គ្រឿង, រថយន្តធន់តូច ០៦គ្រឿង លើ០៩គ្រឿង ថយចុះ ០៣គ្រឿង, រថយន្តធន់ធំ ០១គ្រឿង លើ០១គ្រឿង, យានយន្តផ្សេងៗ ០១គ្រឿង លើ០២គ្រឿង ថយចុះ ០១គ្រឿង, រងគ្រោះអ្នកថ្មើរជើង ០២នាក់ លើ ០១នាក់ កើន ០១នាក់ និងមិនពាក់មួកសុវត្ថិភាពពេលមានគ្រោះថ្នាក់ ២៨នាក់ លើ ២៦ កើន០២នាក់។
តាមរបាយការណ៍ដដែលនោះបានឲ្យដឹងទៀតថា កត្តាដែលបង្កឲ្យមានគ្រោះថ្នាក់គឺ ល្មើសល្បឿន ០៩លើក, ស្រវឹង ០៤លើក, មិនគោរពសិទ្ធ ០២លើក, មិនប្រកាន់ស្តាំ ០២លើក, បត់គ្រោះថ្នាក់ ០១លើក និងកត្តាផ្លូវ ០១លើក៕
0 Comments