ប្រទេសជប៉ុនបានអំពាវនាវឲ្យប្រទេសហ្សកដានី ជួយនៅក្នុងការទទូលបាននូវការដោះលែងលោកកេនជិ ហ្កាតូ (Kenji Goto) ដែលជាចំណាប់ខ្មាំងជប៉ុនម្នាក់របស់ពួកសកម្មប្រយុទ្ធរដ្ឋឥស្លាម ក្រោយពីវីដេអូមួយនៅថ្ងៃអង្គារ ទំនងជាបង្ហាញឲ្យឃើញរូបលោកនិយាយថា លោកអាចត្រូវគេសម្លាប់នៅក្នុងរយៈពេល២៤ម៉ោងនោះ។
សម្លេងនៅក្នុងវីដេអូនិយាយថា «និយាយប្រាប់រដ្ឋាភិបាលជប៉ុនឲ្យដាក់ការគាបសង្កត់ទាំងអស់ទៅលើប្រទេសហ្សកដានី» ដោយថ្លែងទៅកាន់ប្រជាជនជប៉ុន និងនិយាយថា លោកនឹងត្រូវគេសម្លាប់ ប្រសិនបើប្រទេសហ្សកដានីមិនដោះលែងអ្នកបម្រុងផ្ទុះគ្រាប់បែកអត្តឃាតម្នាក់ឈ្មោះសាជីដា អាលរីសាវី (Sajida al Ri shawi)ទេនោះ។
ទូរទស្សន៍រដ្ឋហ្សកដានី ដែលបានដកស្រង់សំដីប្រភពព័ត៌មានយោធាមួយនិយាយថា ពួកអាជ្ញាធរកំពុងព្យាយាមបញ្ជាក់ថា វីដេអូនោះគឺពិតប្រាកដនោះ។
បញ្ហាចំណាប់ខ្មាំងគឺជាវិបត្តិការទូតធ្ងន់ធ្ងរបំផុត ដែលនាយករដ្ឋមន្ត្រីជប៉ុនលោក ស៊ីនហ្សូអាបេ (Shinzo Abe) បានប្រឈមមុខនៅក្នុងការកាន់តំណែងត្រឹមត្រូវជាងពីរឆ្នាំប៉ុណ្ណោះ។
កំពុងប្រឈមមុខនឹងស្ថានភាពធ្ងន់ធ្ងរមួយនោះលោកអាបេបានបញ្ជាឲ្យរដ្ឋាភិបាលរបស់លោកបន្តនយោបាយរបស់ខ្លួន ដើម្បីស្វែងរកជំនួយពីប្រទេសហ្សកដានី នៅក្នុងការដោះលែងកោក ហ្កាតូ នាយខុទ្ទកាល័យគណៈរដ្ឋមន្ត្រីលោកយូស៊ីហ៊ីដេ ស៊ូហ្កា (Yoshihide Suga) និយាយប្រាប់អ្នកយកព័ត៌មាន ក្រោយពីប្រជុំមួយរបស់ពួកមន្ត្រីសន្តិសុខជាតិ៕
0 Comments