មន្រ្តីកងនាវាចរសហរដ្ឋអាមេរិកជាន់ខ្ពស់ម្នាក់ បាននិយាយប្រាប់រ៉យទ័រថា សហរដ្ឋអាមេរិកនឹងស្វាគមន៍ទង្វើរបស់ប្រទេសជប៉ុន ដើម្បីពង្រីកការល្បាតអាកាសនៅលើសមុទ្រចិនខាងត្បូងថា ជាកម្លាំងទប់ទល់មួយទៅនឹងកងនាវា ដែលកំពុងកើនឡើងរបស់ចិន ដែលកំពុងជំរុញការទាមទារទឹកដីរបស់ក្រុងប៉េកាំងនៅក្នុងតំបន់។
បច្ចុប្បន្ននេះការល្បាតទៀងទាត់របស់យន្តហោះជប៉ុន បានទៅដល់តែសមុទ្រចិនខាងកើតជាកន្លែងដែលក្រុងតូក្យូស្ថិតនៅក្នុងជម្លោះជាមួយក្រុងប៉េកាំងទៅលើកោះ ដែលមានវិវាទ។
ការពង្រីកការហោះហើរស៊ើបការណ៍នៅសមុទ្រចិនខាងត្បូងនោះ ប្រាកដជានឹងបង្កើនភាពតានតឹងរវាងប្រទេសសេដ្ឋកិច្ចដ៏ធំបំផុតទីបី និងប្រទេសសេដ្ឋកិច្ចដ៏ធំបំផុតទីពីររបស់ពិភពលោក។
ឧត្តមសេនីយ៍លោក រ៉ូបឺតថូម៉ាស់ (Robert Thomas) មេបញ្ជាការកងនាវាទី៧ និងនាយទាហានថ្នាក់កំពូលរបស់កងនាវាចរសហរដ្ឋអាមេរិកនៅអាស៊ី បាននិយាយនៅក្នុងសេចក្ដីថ្លែងការណ៍មួយថា «ខ្ញុំគិតថា ពួកសម្ព័ន្ធមិត្តដៃគូ និងមិត្តនៅក្នុងតំបន់នោះនឹងរំពឹងជប៉ុនឲ្យជួយនៅក្នុងមុខងារធ្វើឲ្យមានស្ថិរភាព»។
ក្រសួងការបរទេសរបស់ប្រទេសចិន និយាយថា ខ្លួនពុំមានការអធិប្បាយបន្ទាន់ណាមួយស្ដីពីការសម្ភាសន៍នោះទេ៕
0 Comments