ភ្នំពេញ ៖ យោងតាមរបាយការណ៍ពីនាយកសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់ថា កាលពីថ្ងៃទី០៥ ខែកុម្ភៈ ឆ្នាំ២០១៥នេះ មានករណីគ្រោះថ្នាក់ចរាចរណ៍នៅទូទាំងប្រទេសកើតឡើងចំនួន១០លើក ក្នុងនោះយប់០១លើក, បណ្ដាលឲ្យមនុស្សស្លាប់ចំនួន០៤នាក់ (ស្រី០១នាក់) របួសធ្ងន់១៤នាក់(ស្រី០៤នាក់),និងរបួសស្រាល០៤នាក់(ស្រី០១នាក់)។
នៅក្នុងហេតុការណ៍គ្រោះថ្នាក់ចរាចរណ៍ទាំង១០លើកនេះបានបង្កឲ្យខូចខាតយានយន្តសរុប ១៣គ្រឿង ក្នុងនោះមានម៉ូតូចំនួន០៥គ្រឿង,រថយន្តធុនតូចចំនួន០៧គ្រឿង,រថយន្តធុនធំ០១គ្រឿងនិងអ្នកថ្មើរជើង០១នាក់។
របាយការណ៍ខាងលើប្រាប់បន្តថា មូលហេតុដែលបណ្ដាលឲ្យកើតមានករណីគ្រោះថ្នាក់ចរាចរណ៍ គឺបណ្ដាលមកពីល្មើសល្បឿន០៦លើក, ប្រជែងគ្រោះថ្នាក់០១លើក,មិនប្រកាន់ស្តាំ០២លើក, មិនគោរពសិទ្ធ០១លើក។ ក្នុងនោះអ្នកជិះម៉ូតូគ្រោះថ្នាក់ដោយមិនបានពាក់មួកសុវត្ថិភាពចំនួន០៩នាក់(យប់០៤នាក់)។
ប្រភពព័ត៌មានពីនាយកសណ្ដាប់ធ្នាប់នៃអគ្គស្នងការដ្ឋាននគរបាលជាតិប្រាប់បន្តថា រថយន្តពិន័យសរុបចំនួន៦៧៤គ្រឿង(រថយន្តធំ២៣១គ្រឿង) ស្មើនិង៦៩៧ករណី ,ករណីល្មើក្រដាសស្នាម ៤៣៤គ្រឿង ស្មើនិង៣៣៦ករណី រួមមាន ប័ណ្ណបើកបរហួសសុពលភាព២៤ករណី,គ្មានប័ណ្ណអាជីវកម្ម៣៥ករណី,ប័ណ្ណបើកបរខុសប្រភេទយានយន្ត៦ករណី,គ្មានឆៀក៤៣ករណី, បើកបរហួសល្បឿនកំណត់១០៩ករណី,បើកបរមិនពាក់ខ្សែក្រវាត់២១៩ករណី ,ករណីល្មើសបច្ចេកទេសមាន២៤០គ្រឿង ស្មើនិង២៦១ករណីរួមមាន ៖ ដឹកសំពីងសំពោង១៩៤ករណី,ដឹកលើសចំណុះ១៨ករណី,បកកញ្ចក់ពណ៌០១ករណី,កង់សឹករេចរឹល២២ករណី,ស្លាកលេខបាក់ ឬខូច០១ករណី,ភ្លើងមិនគ្រប់គ្រាន់១២ករណី,បាឡុងតាកេរ០៧ករណី,ខូចឬគ្មានគន្លឹះសុវត្ថិភាព០៦ករណី។
ដោយឡែកម៉ូតូត្រូវបានពិន័យសរុបចំនួន១.៥៦៦គ្រឿង ក្នុងនោះមាន ជិះម៉ូតូអត់ពាក់មួក៩៣៥ករណី,ជិះម៉ូតូអត់កញ្ចក់៥៨៦ករណី,ជិះម៉ូតូអត់កញ្ចក់និងមួក០៤ករណី,ម៉ូតូបើកភ្លើងពេលថ្ងៃ៤០ករណី, និងស្លាកលេខបាក់ឬខូច០១ករណី៕
រ៉ាវុទ្ធ
0 Comments