ខេត្តព្រៃវែង ៖ កាលពីវេលាម៉ោង៩និង៣០នាទី ថ្ងៃទី៨ ខែមករា ឆ្នាំ២០១៥ នៅលើផ្លូវជាតិលេខ៨ ស្ថិតក្នុងភូមិជោរទី២ ឃុំក្រញូង ស្រុកកំចាយមារ ខេត្តព្រៃវែង មានករណីគ្រោះថ្នាក់ចរាចរណ៍មួយបានកើតឡើង បណ្ដាលឲ្យមនុស្សរងរបួសធ្ងន់ស្រាលចំនួន៣នាក់។
លោក ស៊ីវ សុខុម អធិការស្រុកកំចាយមារបានឲ្យដឹងថា នៅវេលាម៉ោង៩និង៣០នាទី ថ្ងៃទី៨ខែមករា ឆ្នាំ២០១៥ មានរថយន្តម៉ាកតូរីស ពណ៌ខៀវ ស្លាកលេខកំពង់ធំ 2A 0995 ១គ្រឿង បើកដោយឈ្មោះ ចិន ប៊ុន ភេទប្រុស អាយុ៥៧ឆ្នាំ មានទីលំនៅភូមិចយ៉ ឃុំចយ៉ ស្រុកកោះញែក ខេត្តមណ្ឌលគីរី បានបើកដឹកអ្នកដំណើរពីខេត្តមណ្ឌលគីរី ឆ្ពោះទៅទីក្រុងភ្នំពេញ មកដល់ចំណុចកើតហេតុបានងងុយដេកពេក ក៏រេចង្កូតបុកបង្គោលស្លាកសញ្ញាបង្ហាញទិស ហើយធ្លាក់ថ្នល់បណ្ដាលឲ្យរបួសអ្នកបើកបរបាក់ខ្មងជើងខាងឆ្វេង និងឈ្មោះ យុគ ហ៊ាង ភេទស្រី ត្រូវជាប្រពន្ធបានរងរបួសស្រាល ចំណែកឯឈ្មោះ សុត ធឿន ភេទស្រី អាយុ៣១ឆ្នាំ មានទីលំនៅភូមិក្រាំចំបក ឃុំពានរោងស្រុកស្វាយអន្ទរ ខេត្តព្រៃវែង ជាអ្នករួមដំណើររងរបួសស្រាល។ បច្ចុប្បន្នជនរងគ្រោះត្រូវបានបញ្ជូនទៅមន្ទីរពេទ្យខេត្តព្រៃវែង ចំណែករថយន្តត្រូវបានសមត្ថកិច្ចជំនាញយកមករក្សាទុកនៅអធិការដ្ឋាននគរបាលស្រុកកំចាយមារ រង់ចាំធ្វើការដោះស្រាយគ្នាជាក្រោយ៕
ដោយៈ សុធា
0 Comments