ឧត្ដរមានជ័យ ៖ កាលពីព្រឹកថ្ងៃទី២៩ ខែមករា ឆ្នាំ២០១៥ លោក វ៉ាត ប៉ារ៉ា នីន អភិបាលរងខេត្តឧត្តរមានជ័យបានដឹកនាំក្រុមការងារចុះត្រួតពិនិត្យផលប៉ះពាល់ដីស្រែចំការរបស់ប្រជាពលរដ្ឋនិងក្រុមហ៊ុនចំការកៅស៊ូសុខ សំណាង ដែលមានសិទ្ធិដាំដុះចំការកៅស៊ូនៅក្នុងឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ។ លោក វ៉ាត ប៉ារ៉ា នីន អភិបាលរងខេត្តបានឲ្យដឹងថា ដែលរូបលោក និងក្រុមការងារចុះមកត្រួតពិនិត្យដោះស្រាយផលប៉ះពាល់ដីស្រែចំការរបស់ប្រជាពលរដ្ឋ និងក្រុមហ៊ុនចំការកៅស៊ូ សុខ សំណាង លោកជាតំណាងឲ្យលោក ស ថា វី អភិបាលនៃគណៈអភិបាលខេត្តឧត្តរមានជ័យដែលមានចំនួន១៨ចំណុច និយាមកាបានព្រមព្រៀងគ្នាបោះបង្គោលកំណត់ព្រំដីផលប៉ះពាល់របស់ប្រជាពលរដ្ឋ និងក្រុមហ៊ុនខាងលើនោះ ដែលមានដីដាំកៅស៊ូចំនួន១.៦៥០ហិកតានោះ។ លោកអភិបាលរងខេត្តបានបន្តទៀតថា ជៀសវាងថ្ងៃក្រោយកុំឲ្យមានការប៉ះពាល់គ្នាទៅវិញទៅមក។ លោក កែវ សារ៉ាន់តំណាងឲ្យក្រុមហ៊ុន សុខ សំណាង បានមានប្រសាសន៍ថា ហើយថ្ងៃក្រោយយើងខ្ញុំទាំងអស់គ្នាសូមសន្យាថានឹងមិនបំពានព្រំដីគ្នា និងមិនតវ៉ាទាមទារអ្វីឡើយ។ ហើយនៅក្នុងការចុះវាស់វែងរបស់លោក វ៉ាត ប៉ារ៉ា នីន អភិបាលរងខេត្ត និងក្រុមការងារដែលអញ្ជើញចុះមកកំណត់ព្រំដី រវាងប្រជាពលរដ្ឋ និងក្រុមហ៊ុនចំការកៅស៊ូសុខសំណាងនោះ ប្រជាពលរដ្ឋ និងក្រុមហ៊ុន សុខ សំណាង មានការពេញចិត្តយ៉ាងខ្លាំង ដែលប្រមុខរាជរដ្ឋាភិបាលកម្ពុជាដែលបានកំណត់ឲ្យអាជ្ញាធរខេត្តចុះត្រួតពិនិត្យវាស់វែងកំណត់ព្រំដីទៅតាមនិយាមកាឲ្យបានត្រឹមត្រូវទៅតាមផ្លូវច្បាប់ ហើយការកំណត់ព្រំដីពីផលប៉ះពាល់ដីរបស់ប្រជាពលរដ្ឋ និងក្រុមហ៊ុន សុខ សំណាងនោះ ត្រូវបានបញ្ចប់ជាស្ថាពរ៕
ចាន់ ធី
0 Comments