ក្រុមប្រឹក្សាសន្តិសុខ អសប នៅថ្ងៃអាទិត្យបានទាមទារដល់ក្រុមជីវពលហូធីសដែលគាំទ្រដោយអ៊ីរ៉ង់នៅក្នុងប្រទេសយេម៉ែនឲ្យដកចេញពីស្ថាប័នទាំងឡាយរបស់រដ្ឋាភិបាល និងអំពាវនាវឲ្យមានការបញ្ចប់ការជ្រៀតជ្រែករបស់បរទេស និងបានគំរាមថានឹងមានវិធានការថែមទៀត ប្រសិនបើអំពើហិង្សាមិនបញ្ចប់ទេនោះ។
អសប បានព្រមានថា ប្រទេសយេម៉ែនកំពុងតែដួលរលំ។ ពួកយុទ្ធជនហូធីមូស្លីម ស៊ីអ៊ីតបានបញ្ឈប់សកម្មភាពរបស់រដ្ឋាភិបាលកណ្ដាលក្រោយពីដណ្ដើមកាន់កាប់រដ្ឋធានីសាណានៅក្នុងខែកញ្ញា និងកំពុងពង្រីកនៅទូទាំងប្រទេសយេម៉ែន ដែលជាប់ព្រំដែនជាមួយប្រទេសអារ៉ាប៊ីសាអ៊ូឌីត ដែលសម្បូរណ៍ប្រេងនោះ។
ពួកសកម្មប្រយុទ្ធអាល់កៃដា និងពួកសកម្មប្រយុទ្ធមូស្លីមស៊ុននី ចាប់តាំងពីពេលនោះមក បានបង្កើនការវាយប្រហារប្រទេសយេម៉ែនគឺជាជម្រកសម្រាប់ពួកអាល់កៃដានៅក្នុងឧបទ្វីបអារ៉ាប់ជាក្រុមមួយនៅក្នុងចំណោមក្រុមអាវុធដ៏សកម្មបំផុតរបស់បណ្ដាញសកលលោកដែលបានធ្វើការវាយប្រហារនៅបរទេស។
ក្រុមប្រឹក្សាសន្តិសុខដែលមាន១៥ប្រទេស បានអនុម័តជាឯកច្ឆន្ទ នូវសេចក្តីសម្រេចព្រៀងរវាងអង់គ្លេស និងហ្សកដានី ស្ដីពីវិបត្តិនេះនៅថ្ងៃអាទិត្យ។ ក្រុមប្រឹក្សាសហប្រតិបត្តិការឈូងសមុទ្រជាប្លុកមួយមាន៦ប្រទេសរួមមាន បណ្ដារដ្ឋឈូងសមុទ្រដែលសម្បូរណ៍ប្រេងនោះបានទទូចដល់ក្រុមប្រឹក្សាឲ្យអនុម័តសេចក្តីសម្រេចក្រោមជំពូក៧៧នៃធម្មនុញ្ញ អសប ដោយអនុញ្ញាតឲ្យមានសេចក្តីសម្រេចចិត្តបង្ខំអនុវត្តជាមួយទណ្ឌកម្មសេដ្ឋកិច្ច ឫកម្លាំងនោះ៕
រឹទ្ធ
0 Comments